— ءبىز بۇگىنگى كەزدەسۋ تىزگىنىن تولىقتاي قولىمىزدا ۇستاپ, قارسىلاس قاقپاسىنا قاۋىپ توندىرۋمەن بولدىق. مەن وزىمە كەلەر بولسام, ءبىر گول ەمەس, ودان دا كوپ سوعۋعا ءتيىس ەدىم. مەن ءوز ناتيجەمدى ارتتىرۋ ءۇشىن كۇن سايىن ەڭبەكتەنىپ كەلەمىن. بۇل وتە جاقسى ويىن بولدى. توماسوۆ كەرەمەتتەي ەكى گول سوقتى. جەڭىستى جولىمىزدى جالعاستىرامىز دەگەن سەنىمدەمىن.
— سىزدە ويىننىڭ العاشقى تايمىندا تاعى دا ءبىر گول سوعاتىن مۇمكىندىك بولعان ەدى...
— مەن قاقپاشىمەن بىرگە ءبىر شىققان ساتتە, ول مۇمكىندىكتى ءجۇز پايىز گولعا اينالدىرۋىم كەرەك بولاتىن. ءدال مۇنداي ساتتە سەندە شەشىم قابىلدايتىن وتە كوپ ۋاقىت جانە تاڭداۋ بار. دەگەنمەن, مەن ءمۇلت كەتتىم. مۇمكىن, دوپتى باسقا بۇرىشقا تەبۋىم كەرەك پە ەدى. گول سوعا الماعانىم وتە وكىنىشتى. مەن ءوزىمدى دامىتىپ, ەڭبەكتەنۋىمدى جالعاستىراتىن بولامىن. مەن ءوز ەڭبەك جولىمدا نەگىزىنەن كوپ گول سوعامىن, وسى ءداستۇردى «استانا» ساپىندا دا جالعاستىرعىم كەلەدى.
— كەلەسى ويىن ەۋروپا ليگاسى اياسىندا «رەننعا» قارسى وتكىزەسىزدەر. وسى ويىندا العاشقى مينۋتتان الاڭعا شىعۋعا دايىنسىز با؟
— مەن ءار كەزدە دايىنمىن. دەگەنمەن, بارلىعىن باپكەرلەر قۇرامى شەشەدى. ەۋروپا ليگاسى كەز-كەلگەن ويىنشى ءۇشىن ۇلكەن تاجىريبە. ءبىز الاڭدا جان بەرۋگە دايىنبىز.
— سىرت الاڭداعى العاشقى ويىندا تەڭ تۇستىڭىزدەر. ەندى «ديناموعا» قارسى جاۋاپتى ويىن بار...
—«ديناموعا» قارسى ويىن وتە جاقسى جاعدايدا ءوتتى. سىرت الاڭدا ءبىز ماڭىزدى ۇپايعا قول جەتكىزە الدىق. قازىر ءوز الاڭىمىزدا, جانكۇيەرلەرىمىزدىڭ قىزۋ قولداۋىنىڭ ارقاسىندا, وزىمىزگە ۇيرەنشىكتى جاساندى الاڭدا ءۇش ۇپايعا قول جەتكىزۋگە ءتيىسپىز. بارلىعىن بەيسەبى كۇنگى ويىندا كورەمىز.
— قازاقستان چەمپيوناتى سوڭىنا جاقىنداپ كەلەدى. ءبىزدىڭ چەمپيوناتتىڭ دەڭگەيىنە قانداي باعا بەرەسىز؟
— «استانا» — قازاقستاننىڭ ۇزدىك كومانداسى. مەن وعان سەنىمدىمىن. ءبىزدىڭ چەمپيوناتتا 6 ويىنىمىز قالدى. ءبىز ولاردىڭ بارلىعىندا جەڭىسكە جەتكىمىز كەلەدى. ەگەر جەڭىسكە جەتۋدى جالعاستىراتىن بولساق, مەرزىمىنەن بۇرىن چەمپيون اتانامىز. بۇل مەنىڭ ەڭبەك جولىمداعى العاشقى چەمپيوندىق اتاق بولماق. مەن ءجاسوسپىرىم كەزىمدە چەمپيون اتانعان ەدىم, الايدا ەرەكسەكتەر اراسىنداعى دەڭگەي مۇلدە بولەك. مەن كوماندامەن بىرگە چەمپيون اتانامىن دەگەن سەنىمدەمىن. چەمپيون بولۋ ارقاشان كەرەمەت.
— بۇگىن العاشقى مينۋتتان باستاپ الاڭعا شىقتىڭ. ۇنادى ما؟
— ارينە! كەز-كەلگەن ويىنشى نەگىزگى قۇرامدا الاڭعا شىققاندى قالايدى. ەگەر ونى قالاماساڭ, فۋتبول ويناۋدىڭ قاجەتى قانشا؟ وسىنداي جەڭىستى ويىننان كەيىن, گول سوققاننان كەيىنگى سەزىم وتە كەرەمەت. گول سوعۋ شابۋىلشى ءۇشىن وتە ماڭىزدى. مەن «استانا» ساپىندا بارىنشا كوپ ويىن وتكىزىپ, جانكۇيەرلەردى گولدارىممەن قۋانتامىن دەگەن سەنىمدەمىن.
— سوڭعى مينۋتتاردا ەسەپتى ەسەلەي الدىڭىزدار...
— ءبىز تىڭبىز, بارىنشا كوپ جاتتىعۋ جۇمىستارىندا ەڭبەكتەنىپ كەلەمىز. ءبىزدىڭ ءوزارا تۇسىنىستىگىمىز وتە كەرەمەت. ءبىزدىڭ قۇرامدا 20 وتە جاقسى ويىنشى بار. ءبىر ويىنشى جاراقات الىپ قالسا, ونى الماستىرا الاتىن لايىقتى ويىنشىلار جەتەرلىك. ءبىز 70-ءشى مينۋتتان كەيىن پرەسسينگ جاساپ, تاعى دا گول سوققاندىعىمىز وتە جاقسى.
