«الداعى سەزد قاۋىپسىز الەمدى ساقتاۋدا ءدىني ليدەرلەردىڭ رولىنە ارنالعان. رۋحاني كوشباسشىلاردىڭ سەنىم مەن ءوزارا قۇرمەتتەۋدى نىعايتۋعا, ءدىني ەكسترەميزمگە قارسى كۇرەس جانە قاۋىپسىز الەمدى قۇرۋعا قول جەتكىزەتىندىگىنە سەنىم ارتامىز», - دەدى ق.ءابدىراحمانوۆ كەزدەسۋ بارىسىندا. ق.ءابدىراحمانوۆ ءدىني جانە ساياسي كوشباسشىلار, حالىقارالىق ۇيىمداردىڭ باسشىلارى جانە ازاماتتىق قوعام وكىلدەرىنىڭ فورۋمعا قاتىسقاندىعىن اتاپ ءوتتى.
وركەنيەتتەر اليانسىنىڭ باسشىسى, جوعارى وكىل ناسير ابدۋلازيز ءال-ناسەر كەزدەسۋ بارىسىندا استاناداعى الەمدىك جانە ءداستۇرلى دىندەر كوشباسشىلارىنىڭ VI سەزىنە بۇۇ باس حاتشىسى انتونيو انتونيۋ گۋتەرريشتىڭ ارنايى وكىلى رەتىندە قاتىساتىنىن ايتتى.
ق. ءابدىراحمانوۆ «بايلانىستاردى ورناتۋ: بەيبىتشىلىك مادەنيەتىن ىلگەرىلەتۋ ۇشىن جۇمساق كۇشتى پايدالانۋ» اتتى بۇۇ وركەنيەتتەر اليانسىنىڭ «دوستار توبىنىڭ» مينيسترلىك كەزدەسۋىنىڭ نەگىزگى تاقىرىبىنا بايلانىستى «قاتتى كۇش» قۇرالدارىنىڭ باستاپقى شەكتەۋلى ماقساتى اياقتالعاندىعىن, ولاردىڭ تابىسى ۋاقىتشا ەكەندىگىن تاجىريبە كورسەتكەندىگىن جانە اسكەري كۇش قولدانۋ جاڭا زومبىلىق تۋدىراتىندىعىن اتاپ ءوتتى. جانجالداردى بولدىرماۋدىڭ جانە الەۋمەتتىك بىرلىكتى نىعايتۋدىڭ نەگىزگى ەلەمەنتتەرى بولىپ سانالاتىن تولەرانتتىلىق, ءبىلىم بەرۋ, ءپوزيتيۆتى ادامي قۇندىلىقتارىن ىلگەرىلەتۋگە ىقپال ەتەتىن قۇرالدار ۇزاق مەرزىمدى اسەرى بار «جۇمساق كۇشتىڭ» ەڭ ءتيىمدى قۇرالدارى بولىپ تابىلادى.
وسى تۇرعىدا, ق. ءابدىراحمانوۆ ۇلتتىق بىرەگەيلىكتى ساقتاۋعا جانە قازاقستاننىڭ جاھاندىق مادەني ورتاعا ودان ءارى ىقپالداسۋىنا باعىتتالعان قوعامدىق سانانى جاڭعىرتۋعا باعىتتالعان «رۋحاني جاڭعىرۋ» باعدارلاماسى تۋرالى ايتىپ بەردى. سونىمەن قاتار, مينيستر اۋعانستان ستۋدەنتتەرىنىڭ ەلىمىزدە وقۋىنا قاراجات ءبولۋ جانە اۋعان قىزدارىن قازاقستان مەن وزبەكستاننىڭ جوعارى وقۋ ورىندارىندا وقىتۋعا باعىتتالعان وزبەكستان مەن ەۋروپالىق وداقپەن بىرلەسكەن جوباعا قاتىسۋدى قوسا العاندا قازاقستاننىڭ ورتالىق ازيا ايماعىنداعى بەيبىتشىلىك پەن تۇراقتىلىقتى دامىتۋعا باعىتتالعان شارالارىنا نازار اۋداردى.
