عىلىم مەن ءبىلىم كەڭىستىگىنىڭ اياسى كەڭەيگەن سايىن زاماناۋي تالاپتارعا ساي ماماندار دايارلاۋعا دەگەن سۇرانىس تا ارتىپ كەلەدى. وسى باعىتتا كاسىبي پەداگوگتاردى وقىتۋ ماسەلەسىنە ەرەكشە جاۋاپكەرشىلىك جۇكتەلۋدە. ساپالى ءبىلىم, بىلىكتى مامان ۇدەسىنەن شىعۋدا اباي اتىنداعى قازۇپۋ پەداگوگ مامانداردى دايارلاۋ ىسىندە ءتيىمدى باعدارلامالاردى جۇزەگە اسىرۋدا.
«رۋحاني جاڭعىرۋ», ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» باعدارلامالارىن جۇزەگە اسىرۋ ماقساتىندا ۋنيۆەرسيتەتتە كەشەندى وقىتۋ جۇيەسى وندىرىسپەن ۇشتاسا جۇرگىزىلىپ, وسى باعىتتا ء بىلىم بەرۋ, قارجى مەكەمەلەرى, قۇقىق قورعاۋ قۇرىلىمدارى, كاسىپورىندارمەن تىعىز بايلانىستار ورناعان. بۇگىندە ۋنيۆەرسيتەت تاراپىنان ەلىمىزدىڭ 137 جالپى ءبىلىم بەرۋ مەكەمەلەرىمەن كەلىسىم-شارتتار جاسالعان. ستۋدەنتتەردىڭ وندىرىستىك تاجىريبەدەن وتۋىنە بايلانىستى مىڭعا جۋىق كەلىسىمدەر جاسالىپ, وقۋىن اياقتاعان تۇلەكتەردىڭ جۇمىسقا ورنالاسۋىنا تولىققاندى جاعدايلار جاسالىپ وتىر. ۋنيۆەرسيتەت باسشىسىنىڭ ايتۋىنشا, سونىمەن قاتار «ينكليۋزيۆتىك ءبىلىم بەرۋ», «جالپى ءبىلىم بەرۋ جۇيەسىندە مۇمكىندىگى شەكتەۋلى بالالاردى وقىتۋ تەحنولوگياسى», ت.ب. باعىتتار ء«بىلىم» توبىنداعى ماماندىقتارعا نەگىزدەلگەن.
وتكەن جىلدان بەرگى ارالىقتا ۋنيۆەرسيتەتتىڭ عىلىمي-يننوۆاتسيالىق پاركى قۇرامىندا «زياتكەرلىك ۇرپاق», «قولدانبالى زەرتتەۋلەر مەن فۋنكتسيونالدى تەحنووگيالار», «حاكىم اباي», «پەداگوگيكالىق ءبىلىم بەرۋدى دامىتۋ» ,ت.ب. عىلىمي ورتالىقتارىنىڭ جۇمىسى جولعا قويىلعان.
بۇگىندە الەمنىڭ وزىق ءبىلىم وردالارىمەن تەرەزەسىن تەڭ ۇستاپ كەلە جاتقان ۋنيۆەرسيتەتتە ءبىلىم بەرۋ جەتى ينستيتۋت ارقىلى جۇرگىزىلەدى. شەتەلدىك ازاماتتارعا ارنالعان جانە جوعارعى وقۋ ورنىنا دەيىنگى دايىندىق فاكۋلتەتى دە جاڭا تەحنولوگيالىق ۇدەرىستەرگە نەگىزدەلگەن. مامان دايىنداۋ باعىتتارى بويىنشا 36 كافەدرا, سونىمەن قاتار, 4 جالپى ۋنيۆەرسيتتەتتىك كافەدرا (اسكەري, دەنە شىنىقتىرۋ جانە سپورت, پەداگوگيكا, ساياساتتانۋ جانە الەۋمەتتىك فيلوسوفيالىق پاندەر كافەدراسى) جۇمىس ىستەيدى. قۇرامى 8 عىلىمي ورتالىقپەن تولىققان عىلىمي يننوۆاتسيالىق پاركىنىڭ جۇمىسى دا وتكەن جىلدان باستاپ قايتا جاندانا باستادى.
كورسەتكىشتەر سوڭعى جىلداردا پەداگوگيكاعا ماماندانعىسى كەلەتىن جاستار قاتارىنىڭ ارتىپ كەلە جاتقاندىعىن كورسەتەدى. دەرەكتەرگە سۇيەنەتىن بولساق, 2015-2016 وقۋ جىلىندا - 2 051, 2016-2017 جىلداردا - 2 314, 2017-2018 وقۋ جىلىندا 2 589 تالاپكەر ۋنيۆەرسيتەت ستۋدەنتى اتانعان. ال, 2018 جىلى وقۋ بىتىرگەن 1 934 ماماننىڭ 198-ءى ۇزدىك ديپلومىنا يە بولعان. سوڭعى ءۇش جىلدا 4 225 مامان دايىندالسا, ونىڭ ىشىندە باكالاۆر بويىنشا - 3 953, 1 771 ماگيستر جانە 101 PhD دوكتورلارى بار. ال كوپتىلدى توپتاردا وتكەن وقۋ جىلىندا 72 مامان دايارلانعان.
ۋنيۆەرسيتەتتە يننوۆاتسيالىق جەتىستىكتەردى, زاماناۋي كوممۋنيكاتسيالىق جۇيەلەردى مەڭگەرە وتىرىپ, پەداگوگ مامانداردىڭ بىلىكتىلىگىن شىڭداۋلارىنا دا مۇمكىندىكتەر مولىنان.
ەلۆيرا سەرىكقىزى,
«ەگەمەن قازاقستان»
الماتى
