ۇگىت شارالارىنا – 477 مىڭ تەڭگەدەن

سايلاۋ-2012

كەشە ورتالىق سايلاۋ كوميسسياسى قازاقستان حالقى اس­سام­بلەيا­سى سايلايتىن قازاقستان رەسپۋبليكاسى پارلامەنتى ءماجى­لى­سى­نىڭ دەپۋتاتتىعىنا كانديداتتاردىڭ رەسپۋبليكالىق بيۋدجەت قارا­جا­تىنان جابىلاتىن شىعىستارىنىڭ نورماتيۆتەرىن بەلگىلەدى. ورتسايلاۋكومنىڭ قاۋلىسىنا سايكەس قازاقستان حالقى اسسام­بلەيا­سى سايلايتىن قازاقستان رەس­پۋب­ليكاسى پارلامەنتى ءماجىلىسىنىڭ دەپۋتاتتىعىنا تىركەلگەن ءاربىر كان­ديداتقا رەسپۋبليكالىق بيۋدجەت قاراجاتىنان سايلاۋالدى ۇگىت شا­رالارىن وتكىزۋگە جانە كولىكتىك شىعىستارعا 477 مىڭ تەڭگەدەن بولىنەتىن بولادى. ورتالىق سايلاۋ كوميسسياسىنىڭ وتىرىسىندا, سون­داي-اق قازاقستان رەسپۋبليكاسى پرە­زيدەنتىنىڭ جارلىعىنا سايكەس باسقا جۇمىسقا اۋىسۋىنا بايلا­نىس­تى «قازاقستان رەسپۋبليكاسى پارلامەنتى سەناتىنىڭ دەپۋتاتى ب.ءا.مۇحامەتجانوۆتىڭ وكىلەتتىگىن توقتاتۋ تۋرالى» قاۋلى قابىل­داندى. ورتالىق سايلاۋ كوميسسياسى­نىڭ تورعاسى قۋاندىق تۇرعان­قۇ­لوۆتىڭ حاباردار ەتكەنىندەي, ورتسايلاۋكوم 4 حالىقارالىق ۇيىم مەن 15 شەت مەملەكەتتەن تاعى 145 حالىقارالىق بايقاۋشىنى اككرەديتتەدى. وسىلايشا, قازىرگى ساتتە قازاقستان رەسپۋبليكاسى سىرتقى ىستەر مينيسترلىگىنىڭ ۇسىنۋى بوي­ىنشا 244 حالىقارالىق بايقاۋشى اككرەديتتەلگەن. ولاردىڭ 74-ءى – ەقىۇ/دياقب ميسسياسىنىڭ, 102-ءسى – تمد-دان بايقاۋشىلار ميس­سيا­سىنىڭ, 9-ى – شىۇ-دان بايقاۋ­شى­لار ميسسياسىنىڭ, 9-ى – ءتۇر­كىتىلدەس مەملەكەتتەر ىنتىماقتاس­تىعى كەڭە­سىنىڭ, ال 50-ءى 19 شەت مەملەكەتتىڭ وكىلدەرى بولىپ تابىلادى. ءاليسۇلتان قۇلانباي.