اگەنتتىكتىڭ اۋماقتىق دەپارتامەنتىنىڭ باسشىسى نۇرگۇل جاننازاروۆا قاراقيا اۋدانىنا قاراستى بولاشاق اۋىلىندا بولىپ, جولاۋشىلار مەن جولسەرىكتەرگە ارنايى دايىندالعان بروشيۋرالار تاراتىپ, سىبايلاس جەمقورلىق دەرەكتەرىنىڭ الدىن-الۋ باعىتىندا اتقارىلىپ جاتقان جۇمىستار تۋرالى اقپاراتپەن ءبولىسىپ, جولاۋشىلار مەن جولسەرىكتەردىڭ سۇراقتارىنا جاۋاپ بەردى.
اسىرەسە مەملەكەتتىك قىزمەت كورسەتۋدى ەلەكتروندى تۇردە الۋدىڭ ماڭىزدىلىعى مەن تيىمدىلىگى, حالىقتىڭ ءوز ۋاقىتتارىن ۇنەمدى پايدالانۋ جاعى ءتۇسىندىرىلدى. قىزمەت الۋشىلاردا بەلسەندىلىك تانىتا الدى, ەلەكتروندى تسيفرلىق قولتاڭبا الۋدان باستاپ, باسقا دا مەملەكەتتىك كورسەتىلەتىن قىزمەتتەردى الۋ تارتىبىنە قىزىعۋشىلىق تانىتتى. سونىمەن قاتار, جولاۋشىلارعا ارنايى بەزەندىرىلگەن جادىنامالار ۇسىنىلدى.
سونداي-اق, بولاشاق اۋىلى تۇرعىندارىمەن دە كەزدەسۋ ءوتتى. كوتەرىلگەن ماسەلەنىڭ دەنى الەۋمەتتىك سالاعا قاتىستى بولدى. اتاپ ايتقاندا امبۋلاتورياداعى ءدارى-دارمەكتىڭ جەتىسپەۋى, سانيتارلىق اۆياتسيانىڭ كەلمەيتىندىگى جانە دارىگەردىڭ جوقتىعى ايتىلدى.
سونداي-اق, №10 ورتا مەكتەپتىڭ ۇجىمىمەن دە كەزدەسۋ ۇيىمداستىرىلىپ, ءبىلىم سالاسىنداعى وزگەرىستەر جانە جاڭا باستامالار, سىبايلاس جەمقورلىقتىڭ الدىن-الۋ باعىتىندا اڭگىمەلەر قوزعالدى.
بولاشاق اۋىلىنىڭ قۇرىلعانىنا بيىل 6 جىل. جاڭاوزەن شاھارىنان 190 شاقىرىمدا ورنالاسقان اۋىلدا بۇگىندە 600-دەن استام ادام تۇرادى. اكىمدىكتە 4 قىزمەتكەر جۇمىس جاسايدى. مۇندا ءبىر مەكتەپ, ءبىر بالاباقشا جانە ءبىر امبۋلاتوريا عانا بار. شاعىن كاسىپپەن اينالىسىپ وتىرعاندار دا كەزدەسەدى.
