اسا جەڭىل سالماقتا كۇش سىناسىپ جۇرگەن قايراتتىڭ ءجۇرىپ وتكەن جولى جانكۇيەرلەردىڭ كوز الدىندا. ءوزىنىڭ ءار جەڭىسىنەن كەيىن «قارا جورعا» بيلەيتىن قازاق جىگىتى ۇزاق ۋاقىت بويى جەڭىلىستىڭ كەرمەك ءدامىن تاتقان ەمەس. وسىنداي زور تابىسىنىڭ ارقاسىندا One Fس نۇسقاسى بويىنشا چەمپيوندىق بەلبەۋدى دە يەلەندى. 2017 جىلدىڭ جازى مەن 2018 جىلدىڭ قىسىندا ول برازيليالىق ادريانو موراەس پەن فيليپپيندىك دجەحە ەۋستاكيوعا ەسە جىبەرىپ, كوڭىلىمىزدى ءبىراز قۇلازىتقان ەدى. مىنە, ەندى اراعا سەگىز اي سالىپ, ايقاس الاڭىنا قايتا ورالعان احمەتوۆ جاكارتادا وتكەن جارىستا قىتايلىق ما حاو بين ۇپاي سانىمەن ۇتتى. قازاقستاندىق سپورتشىنىڭ مەرەيى ۇستەم بولعانىن تورەشىلەردىڭ بارلىعى دا ءبىراۋىزدان مويىندادى.
ەستەرىڭىزگە سالا كەتەيىك, 30 جاستاعى قايرات احمەتوۆ كاسىپقويلار اراسىندا 2010 جىلدان بەرى ايقاسىپ ءجۇر. سول ارالىقتا 20 جەكپە-جەك وتكىزىپ, 18 رەت جەڭىسكە جەتتى. 11 باسەكەنى ول مەرزىمىنەن بۇرىن اياقتادى.
عالىم سۇلەيمەن,
«ەگەمەن قازاقستان»
