اتالعان وزەن جاعالاۋىندا توتەنشە جاعدايدىڭ ورىن الۋىنا جول بەرمەۋدى قاجەت ەتەتىن ءىرى ەلدى مەكەندەر – جاسوركەن, قىزىلقاينار جامبىل اۋدانىندا, تالاس, كازپوسەلوك, سارىكەمەر, تۇيمەكەنت بايزاق اۋدانىندا, تەكتۇرماس, «داچنىي ماسسيۆ» تاراز قالاسىندا ورنالاسقان. قاتەرلى ايماقتا اۆتوموبيل جولدارى, ەلەكتر جۇيەلەرى جانە گاز تاسىمالداۋ قوندىرعىلارى بار. وكىنىشكە قاراي 2016 جىلعى 15 ماۋسىمدا «كيروۆسكوە» سۋ قويماسىنان تالاس وزەنىنە قۇياتىن سۋ كولەمىنىڭ ارتۋىنا بايلانىستى جامبىل اۋدانىنىڭ قىزىلقاينار, جاسوركەن اۋىلدارىنا گاز تاسىمالدايتىن جوعارى قىسىمدى قۇبىردىڭ تىرەگى شايىلىپ, ىستەن شىققان بولاتىن. سونىڭ سالدارىنان 720 ءۇي وتىنسىز قالعان.
جەرگىلىكتى اتقارۋشى ورگاندار تاراپىنان, توتەنشە جاعدايلاردىڭ الدىن الۋ ماقساتىندا «جامبىل وبلىسىندا تاراز قالاسىنىڭ جانە جامبىل, بايزاق اۋداندارىنداعى تالاس وزەنى ارناسى بويىنداعى جاعالاۋدى بەكىتۋ جۇمىستارى بويىنشا» جسق ازىرلەنىپ, 2017 جىلعى 1 شىلدەدە مەملەكەتتىك ساراپتامانىڭ وڭ قورىتىندىسى الىنعان. سمەتالىق قۇنى – 3 477 257 مىڭ تەڭگە. 2018 جىلى جەرگىلىكتى بيۋدجەتتەن 10 ملن تەڭگە كولەمىندە قوسىمشا قارجىلاندىرۋ ەسەبىنەن جاعالاۋدى بەكىتۋ جۇمىستارى باستالدى. جوبانى ىسكە اسىرۋ رەسپۋبليكالىق بيۋدجەتتەن قارجىلاندىرۋدى قاجەت ەتەدى.
وسىعان بايلانىستى ءبىز 2019-2021 جىلدارعا ارنالعان رەسپۋبليكالىق بيۋدجەتتى قالىپتاستىرۋ بارىسىندا جوعارىدا اتالعان جامبىل وبلىسىنىڭ الەۋمەتتىك ماڭىزدى جوباسىن ىسكە اسىرۋعا رەسپۋبليكالىق بيۋدجەتتەن 2019 جىلعا قارجى بولىنۋگە ىقپال ەتۋدى سۇراپ, پرەمەر-مينيستر باقىتجان ساعىنتاەۆتىڭ اتىنا دەپۋتاتتىق ساۋال جولدادىق جانە بيۋدجەتتىك ءوتىنىم مەن قاجەتتى قۇجاتتاردىڭ اۋىل شارۋاشىلىعى مينيسترلىگىنە تاپسىرىلعانى حابارلاندى.
ءابدالى نۇراليەۆ,
Cەنات دەپۋتاتى
