ەلىمىزدىڭ دەلەگاتسياسىنىڭ قۇرامىندا سىرتقى ىستەر مينيسترلىگىنىڭ, «قازاتومپروم» ۇاك اق-تىڭ وكىلدەرى بولعانىن ايتا كەتەيىك.
ماگاتە باس كونفەرەنتسياسىندا ءسوز سويلەگەن قانات بوزىمباەۆ قازاقستان پرەزيدەنتى ن.نازارباەۆتىڭ يادرولىق قارۋدى تاراتپاۋ رەجىمىن نىعايتۋعا قاتىستى باستامالارىنا نازار اۋداردى. قازاقستان مەن ماگاتە اراسىندا يادرولىق قارۋدى بەيبىت ماقساتتارعا پايدالانۋ جونىندەگى ارىپتەستىك بايلانىستار مەن ونىڭ بولاشاعى تۋرالى باياندادى.
اۋستريا استاناسىندا قازاقستاندىق دەلەگاتسيا ساۋد ارابياسى كورولدىگىنىڭ ەنەرگەتيكا جانە ونەركاسىپ مينيسترىمەن, قىتايدىڭ اتوم ەنەرگياسى اگەنتتىگىنىڭ توراعاسىمەن, ۋكراينانىڭ ەنەرگەتيكا جانە كومىر ءمينيسترىنىڭ ورىنباسارىمەن جانە تاعى باسقالارىمەن ەكىجاقتى كەزدەسۋ وتكىزدى.
سەسسيا بارىسىندا قاتىسۋشىلار ۇيىمعا مۇشە مەملەكەتتەر ماگاتە العا قويعان ماقساتتاردى جۇزەگە اسىرۋداعى قازاقستاننىڭ رولىنە جوعارى باعا بەردى.
ارنۇر اسقار,
«ەگەمەن قازاقستان»
