جەڭىل اتلەتيكا • 23 قىركۇيەك، 2018

اقتاۋدا ترياتلوننان قازاقستان كۋبوگىنىڭ فينالى باستالدى

271 رەتكورسەتىلدى

اقتاۋدا ترياتلوننان «TEMIRADAم» قازاقستان كۋبوگىنىڭ فينالى باستالدى. كەشە كاسىبي سپورتشىلاردان مىقتىلار انىقتالىپ، قازاقستان قۇراماسىنا ۇزدىكتەر ىرىكتەلدى.

اقتاۋ قالاسىنىڭ 55 جىلدىعى قارساڭىندا ۇيىمداستىرىلىپ وتىرعان جارىستا العاشقى كۇنى 20 كاسىبي ترياتلونشى قاتىستى. سايىسقا استانا، الماتى، شىمكەنت پەن قوستاناي قالالارىنان كەلگەن كاسىبي سپورتشىلار باسەكەگە ءتۇستى.

- ءبىز الماتى قالاسىنان كەلدىك. قۇرامامىزبەن جاز بويى دايىندالدىق. بىلتىرعى قازاقستان كۋبوگىندا ايەلدەر اراسىنداعى ترياتلونننان العاشقى ءۇش ورىندى الدى. جىگىتتەرىمىز دە وسال ەمەس. ۇنەمى ۇزدىكتەردەن كورىنىپ جۇرەدى. ازىرشە بالالار توبى كەلمەدى. اقتاۋدا وتكەن جارىستا الماتى ۇزدىك بولاتىنا سەنەمىن. قازىر حالىق بۇل سپورت تۇرىنە قىزىعىپ كەلەدى، - دەيدى الماتى قۇراماسىنىڭ باس جاتتىقتىرۋشىسى ماكسيم مازۋر.

سپورتشىلار 1500 مەتر كاسپيدە ءجۇزىپ، 40 شاقىرىمدى ۆەلوسيپەدپەن ءجۇرىپ ءوتتى. ودان سوڭ 10 شاقىرىم جۇگىردى. جارىس قورتىندىسى بويىنشا جاسوسپىرىمدەر اراسىنداعى ءبىرىنشى توپتا 2001 جىلى تۋعان دانيل زۋبتسوۆ (شىمكەنت) مارەگە ءبىرىنشى كەلدى. ال، 2-ءشى ورىندى ەراسىل امانجولوۆ (شىمكەنت) يەلەندى. ەراسىلدىڭ ايتۋىنشا، اقتاۋدىڭ اۋا-رايى ترياتلون سپورتىن دامىتۋعا وتە قولايلى. «سۋ وتە تەرەڭ ەمەس بولدى. باسىندا تىزەگە دەيىن جۇگىرىپ وتتىك. ۆەلوسيپەد تەپكەندە دە جەل قاتتى بولمادى. مەن ءوزىم ترياتلوننان ۇلتتىق قۇراما مۇشەسىمىن»، - دەيدى جەڭىمپاز.

ال، ەليتا دەپ اتالاتىن ەرەسەكتەر اراسىندا 1-ءشى ورىندى مارەگە 2 ساعاتتا كەلگەن  سابىرجان قوساق (شىمكەنت) يەلەندى. 12 جىل سپورت سالاسىندا جۇرگەن ول وسىعان دەيىن جەڭىل اتلەتيكادان قازاقستان چەمپويونى اتانعان. 3 جىل بۇرىن ترياتلونعا اۋىسىپتى. «قازاقستانداعى سوڭعى جارىسىم وسى قازاقستان كۋبوگى. ۇزدىك اتانعانىما قۋانىشتىمىن. وتە قيىن بولدى. بىراق، ناتيجەسى جامان ەمەس. بيىلعا 2-ءشى مارتە مارەگە ءبىرىنشى بولىپ كەلدىم. جاتتىقتىرۋشىلارىما راحمەت ايتامىن. بۇيىرسا گونكونگقا جارىسقا كەتەمىن. دايىندىق جامان ەمەس. ەندى قازاقستاننىڭ اتىنان قاتىسامىز. اقتاۋدىڭ 55 جىلدىعى قۇتتى بولسىن!»، - دەيدى سابىرجان. ال، ەكىنشى ورىندا دارىن قونىسباەۆ (الماتى).

ەرتەڭگى سايىس كۇنى استانا، الماتى، قىرعىز رەسپۋبليكاسى، سونىمەن قاتار اقتوبە، ماڭعىستاۋ، اقمولا، قاراعاندى، قوستاناي جانە پاۆلودار وبلىستارىنىڭ سپورتشىلارى باق سىنايدى. سونداي-اق،ي «TEMIR ARU» ، «TEMIR BALA» سايىستار ۇيىمداستىرىلماق. ارۋلار 3 كم قاشىقتىققا جۇگىرسە، بالالار 400 م-دەن 1500 م-گە دەيىنگى قاشىقتىقتاردا جۇگىرەدى.

سوڭعى جاڭالىقتار

انا ءتىلى – ارىڭ بۇل...

رۋحانيات • كەشە

اباي مۇراسى ماڭگىلىك

اباي • 22 اقپان، 2020

قىلمىستىق ءىس قوزعالدى

ايماقتار • 22 اقپان، 2020

ماڭعىستاۋدا «ANTIKOR ORTALYGY» اشىلدى

رۋحانيات • 22 اقپان، 2020

تەننيس: ەلەنا رىباكينا فينالدا

تەننيس • 22 اقپان، 2020

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار