قازاقستان پرەزيدەنتىنىڭ تۇركياعا رەسمي ساپارى جانە انكارادا وتكەن قازاقستان-تۇركيا ينۆەستيتسيالىق فورۋمى تۋرالى كەڭىنەن اقپارات قامتىلعان جۋرنالعا تۇركيا رەسپۋبليكاسىنىڭ 11-ءشى پرەزيدەنتى ابدوللا گۇلدىڭ «استانا ن.نازارباەۆتىڭ ستراتەگيالىق كوزقاراسى ارقىلى باس قالا بولىپ قالىپتاستى», تۇركيانىڭ سىرتقى ىستەر ءمينيسترى مەۆليۋت چاۆۋشوعلۋنىڭ «تۇرىك كاسىپكەرلەرى سالعان عيماراتتار قازاقستاندى گۇلدەندىرىپ وتىر», قازاقستاننىڭ ينۆەستيتسيا جانە دامۋ ءمينيسترى جەڭىس قاسىمبەكتىڭ «ترانس-كاسپي باعىتى ارقىلى ەكى ەل اراسىنداعى ساۋدا دامي تۇسەدى», قازاقستاننىڭ تۇركياداعى ەلشىسى ابزال ساپاربەك ۇلىنىڭ «ورتالىق ازياعا ارنالعان شەتەلدىك ينۆەستيتسيالاردىڭ باسىم بولىگى قازاقستانعا سالىندى» اتتى ماقالالارى ەندى.
سونىمەن قاتار, 100 مىڭ تيراجبەن قازاقستاننىڭ تۇركياداعى ەلشىلىگىنىڭ قولداۋىمەن باسىلعان جۋرنالدا «قازاق ينۆەست» ۇلتتىق كومپانياسىنىڭ باسقارما توراعاسى س.تۇياقباەۆتىڭ, استانا قالاسىنىڭ بۇرىنعى اكىمى ءا.ەسەكەشەۆتىڭ, تۇركىستان وبلىسىنىڭ اكىمى ج.تۇيمەباەۆتىڭ, الماتى وبلىسىنىڭ اكىمى ا.باتالوۆتىڭ, سولتۇستىك قازاقستان وبلىسىنىڭ اكىمى ق.اقساقالوۆتىڭ, اقتوبە وبلىسىنىڭ اكىمى ب.ساپارباەۆتىڭ, پاۆلودار وبلىسىنىڭ اكىمى ب.باقاۋوۆتىڭ, باتىس قازاقستان وبلىسىنىڭ اكىمى ا.كۇلگىنوۆتىڭ, قاراعاندى وبلىسىنىڭ اكىمى ە.قوشانوۆتىڭ, شىمكەنت قالاسىنىڭ اكىمى ع.ءابدىراحيموۆتىڭ, ماڭعىستاۋ وبلىسىنىڭ اكىمى ە.توعجانوۆتىڭ قازاقستاننىڭ وڭىرلىك ەكونوميكالىق الەۋەتى مەن ينۆەستيتسيالىق مۇمكىندىكتەرى تۋرالى كولەمدى ماقالالارى جارىق كوردى.
شىعىس قازاقستان وبلىسى, جامبىل وبلىسى, قوستاناي وبلىسى مەن اقمولا وبلىسىنىڭ شەتەلدىك ينۆەستيتسيا تارتۋ مۇمكىندىكتەرى تۋرالى اقپاراتتار مەن اتالعان وڭىرلەردىڭ قازىرگى تاڭداعى دامۋ كورسەتكىشتەرى جاريالانعان باسىلىمدا «بايتەرەك» حولدينگىنىڭ باسقارما توراعاسى ا.ءارىپحانوۆتىڭ, «تاۋ-كەن سامۇرىق» ۇلتتىق كومپانياسىنىڭ باسقاراما توراعاسى ق.قۇدايبەرگەننىڭ, «دامۋ» قورىنىڭ باسقاراما توراعاسى ا.سارقۇلوۆتىڭ, «قازگەولوگيا» زەرتتەۋ كومپانياسىنىڭ باسقارما توراعاسى ع.نۇرجانوۆتىڭ ماقالالارى مەن قازاقستاننىڭ ساۋدا-ەكونوميكالىق دامۋىنا ۇلەس قوسقان تۇرىك كاسىپكەرلەرىنىڭ قىزىقتى ەستەلىكتەرى مەن تولعانىستارى دا جاريالاندى.
ەسكە سالا كەتەيىك, ء«دۇنيا» گازەتى 1 ناۋرىز 1952 جىلدان باستاپ ىستانبۇل قالاسىندا شىعادى. باسىلىمنىڭ العاشقى رەداكتورى بەلگىلى جۋرناليست فاتيح رىفكى اتاي بولاتىن. قازىرگى تاڭدا ء«دۇنيا» گازەتى ء«دۇنيا» كومپانيالار توبى تاراپىنان شىعارىلادى.
