بيىلعى بايقاۋدىڭ نەگىزگى تاقىرىبى «استانا – ارمان قالا» بولدى. سونىمەن قاتار, سۋرەتشىلەر «ەلەكتر قۋاتى قاۋىپتى!», «قيال الەمى – مەن ستيل سىيلايمىن», «فۋتبولدان الەم چەمپيوناتى», «قاراعاندى جارىق» – 15 جىل بىرگە» اتتى تاقىرىپتار بويىنشا دا ءوز تۋىندىلارىن قازىلار القاسىنىڭ نازارىنا ۇسىندى.
كونكۋرس قورىتىندىسىندا باس جۇلدەگە پاۆلوداردان كەلگەن ۆلاديمير زۋبكو لايىق دەپ تانىلدى. بايقاۋعا بەس بىردەي جۇمىس ۇسىنعان گراففيتشى شەبەرگە گران-پري جۇلدەسى ونەرتاپقىش نيكولا تەسلانىڭ پورترەتى ءۇشىن بەرىلدى. جەڭىمپازعا قالا اكىمىنىڭ العىس حاتى مەن 150 مىڭ تەڭگەنىڭ سەرتيفيكاتى تابىس ەتىلدى.
ايتا كەتەرلىگى, بۇل بايقاۋدا كەرەكۋ ءوڭىرىنىڭ سۋرەتشىلەرى ولجالى بولدى. گران-پري يەگەرى ۆ.زۋبكودان باسقا پاۆلودار وڭىرىنەن كەلىپ قاتىسقان رۋسلان كاريموۆ پەن ۆاسيلي ۆدوۆين, تيىسىنشە ءبىرىنشى جانە ەكىنشى جۇلدەلەردى جەڭىپ الدى. ال كومپانيا باسشىسى تاعايىنداعان ارنايى جۇلدە استانا قالاسىنىڭ وكىلى دياس اۋباكىروۆكە بۇيىردى.
جەرگىلىكتى «قاراعاندى جارىق» كومپانياسى «جاز ەنەرگياسى» بايقاۋىن 2011 جىلدان بەرى ءداستۇرلى تۇردە ۇيىمداستىرىپ كەلەدى.
قايرات ءابىلدا,
«ەگەمەن قازاقستان»
قاراعاندى
