بۇگىن قازاقستان ماشينا جاساۋشىلارىنىڭ VI فورۋمى باستالدى, وندا ماشينا جاساۋشىلار سالاسىن دامىتۋدىڭ وزەكتى ماسەلەرىمەن قاتار, جالپى وڭدەۋ ونەركاسىبىنىڭ اۋقىمدى جۇيەلىك ماسەلەلەرى دە تالقىلانادى رومان سكلياردىڭ ايتۋىنشا, ماشينا جاساۋ دەڭگەيى جالپى ۇلتتىق ونەركاسىپتىڭ تەحنولوگيالىق دامۋىنىڭ كورسەتكىشى سانالادى.
«وزدەرىڭىز بىلەتىندەي, ماشينا جاساۋ – ەڭ كۇردەلى ءارى سارالانعان سالالاردىڭ ءبىرى. سوندىقتان دا بولار, ماشينا جاساۋ سالاسى مەملەكەتتىك رەتتەۋ شارالارىنا اسا باعىنىشتى كەلەدى. باسەكەلەستىكتىڭ جوعارعى دەڭگەيىنە قاراماستان, ماشينا جاساۋ – مەملەكەت تاراپىنان ەلەۋلى قولداۋ شارالارى ۇسىنىلىپ جاتقان, بولاشاعى زور سالالاردىڭ ءبىرى», — دەدى ءبىرىنشى ۆيتسە-مينيستر.
بۇل سالا ەلىمىزدىڭ يندۋستريالىق-يننوۆاتسيالىق دامۋىنىڭ مەملەكەتتىك باعدارلاماسى اياسىندا باسىمدىققا يە سالا رەتىندە انىقتالدى. يدمب ءبىرىنشى بەسجىلدىعىن ىسكە اسىرۋ جىلدارى ماشينا جاساۋ وتە قارقىندى دامىپ كەلە جاتقان سالاعا اينالدى. سالاداعى ءوندىرىس كولەمى 2010 جىلعى 376 ملرد تەڭگەدەن 2014 جىلى 870 ملرد تەڭگەگە دەيىن 2,3 ەسە ءوستى. وڭدەۋ ونەركاسىبى كولەمىندەگى وتاندىق ماشينا جاساۋ ۇلەسى 9,7%-دان 14,8%-عا دەيىن ءوستى. جالپى يندۋستريالاندىرۋ جىلدارىندا ماشينا جاساۋ سالاسىندا 100-دەن اسا جوبا جۇزەگە اسىرىلدى.
قر يدم دەرەكتەرى بويىنشا, 2018 جىلدىڭ سەگىز ايىنىڭ قورىتىندىسى بويىنشا ماشينا جاساۋ ءوندىرىسىنىڭ كولەمى 638,1 ملرد تەڭگەدەن استى, ءوندىرىس ءوسىمى — 13,8% قۇرادى. ماشينا جاساۋ سالالارى اراسىندا ءوسىمنىڭ ەڭ ۇلكەن ديناميكاسىن اۆتوموبيل جاساۋ سەكتورى كورسەتەدى. وسى جىلدىڭ 8 ايى ىشىندە 117,7 ملرد تەڭگەگە 19 مىڭنان استام اۆتوموبيل شىعارىلدى, بۇل وتكەن جىلدىڭ سايكەس كەزەڭىمەن سالىستىرعاندا 1,6 ەسەگە ارتىق.
ر. سكلياردىڭ ايتۋىنشا, سالانى مەملەكەتتىك رەتتەۋ مەحانيزمدەرى قازاقستان دەربەس مەملەكەت بولىپ قالىپتاسا باستاعان كەزدەن باستاپ قۇلديلادى جانە بۇل پروتسەسس سالانىڭ جاي-كۇيىنە عانا ەمەس, ەلدەگى جانە الەمدەگى ەكونوميكاعا بايلانىستى بولدى. مەملەكەتتىك قولداۋدىڭ بالامالى شارالارىن ازىرلەۋ ماقساتىندا كاسىپكەرلىك, سالىق جانە كەدەندىك كودەكستەرگە وزگەرىستەر مەن تولىقتىرۋلار ەنگىزىلدى.
ماشينا جاساۋدى ىنتالاندىرۋ ماقساتىندا مەملەكەت كاسىپورىنداردى دا, تۇتىنۋشىلاردى دا جەڭىلدىكپەن نەسيەلەندىرۋمەن قامتاماسىز ەتىپ وتىر. ماسەلەن, «بايتەرەك» ۇبح ارقىلى كوپتەگەن قىزمەت تۇرلەرى ۇسىنىلادى, ونىڭ ىشىندە وندىرىستەردى قۇرۋ نەمەسە جاڭعىرتۋ بويىنشا جوبالاردى قارجىلاندىرۋ جانە بانك زايمدارىنىڭ پايىزدىق مولشەرلەمەلەرىن سۋبسيديالاۋ بار.
«وسىعان بايلانىستى مىسال رەتىندە جەڭىلدىكپەن اۆتونەسيە بەرۋ جانە ليزينگتىك قارجىلاندىرۋ باعدارلاماسىن اتاپ وتكەن ءجون, ونىڭ ارقاسىندا ەكونوميكالىق قۇلدىراۋ كەزەڭىندە قازاقستاندىق ونىمگە دەگەن سۇرانىستى ىنتالاندىرىپ, وتاندىق اۆتوقۇراستىرۋ كاسىپورىندارىن قولداۋ مۇمكىن بولدى», — دەدى ر. سكليار.
سونىمەن قاتار, «قازاقينۆەست» ارقىلى ەكسپورتتى قولداۋ سياقتى جالپى قولداۋ شارالارى, سونداي-اق «بايتەرەك» جەلىسى بويىنشا يندۋستريالىق جوبالاردى دامىتۋدى ىنتالاندىراتىن باسقا دا شارالار قولعا الىنعان.
ر. سكليار ماشينا جاساۋ سالاسىن ودان ءارى دامىتۋ ماقساتىندا بيىل ينۆەستيتسيالار جانە دامۋ مينيسترلىگى قر ماشينا جاساۋشىلار وداعىمەن بىرلەسىپ 2019-2030 جج. ارنالعان ماشينا جاساۋدى دامىتۋدىڭ كەشەندى جوسپارىنىڭ جوباسىن ازىرلەگەنىن ايتتى, ونى VI قازاقستان ماشينا جاساۋشىلار فورۋمىنىڭ اياسىندا مەملەكەتتىك ورگاندار, دامۋ جانە بيزنەس ينستيتۋتتارىنىڭ وكىلدەرى تالقىلايتىن بولادى.
ءسوز سوڭىندا قر ينۆەستيتسيالار جانە دامۋ ءبىرىنشى ۆيتسە-ءمينيسترى ر. سكليار اتالعان دامىپ كەلە جاتقان سالانى دامىتۋ ماقساتىندا مەملەكەتتىك رەتتەۋدىڭ قاجەتتىلىگىن جانە بيزنەس ءۇشىن قولداۋ قۇرالدارىنىڭ قولجەتىمدىلىگىن قامتاماسىز ەتۋ ساياساتىن جالعاستىرۋ قاجەتتىگىن اتاپ ءوتتى.
