بۇل جول كارتاسىنىڭ نەگىزگى مىندەتى – حالىقتىڭ مەملەكەتتىك دەرەكتەر بازاسىنداعى مارتەبەسىن سايكەستەندىرۋ. «وسى باعىتتا اتىراۋ وبلىسىندا وتكەن جىلى وڭىرلىك شتاب قۇرىلدى. مەملەكەتتىك ورگانداردىڭ اقپاراتتىق جۇيەلەرىندە ازاماتتار مارتەبەسىن وزەكتەندىرۋ جانە ونى راسىمدەۋ بويىنشا كوپتەگەن جۇمىس اتقارىلدى», دەيدى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ۇلىقبەك تىناليەۆ.
باسقارما وكىلىنىڭ ايتۋىنشا, جىل باسىندا 54 668 ادامنىڭ مارتەبەسى بولماعان, 12 قىركۇيەكتەگى مالىمەت بويىنشا 22 922 ادامنىڭ مارتەبەسى سايكەستەندىرىلدى. ماماندار ارنايى تىزىممەن ۇيلەردى ارالاپ, «مىندەتتى جارنالارىن تولەمەي جۇمىس ىستەيتىن جۇمىسشىلار» جانە ء«وزىن-ءوزى جۇمىسپەن قامتىعاندار» رەتىندە بەلگىلى بولعان ادامدارعا مارتەبەسىن انىقتاۋ جانە تۇسىنىكتەمە الۋ ءۇشىن جۇمىسپەن قامتۋ ورتالىقتارىنا, مەملەكەتتىك ەڭبەك ينسپەكتسياسىنا, اۋىل اكىمدەرىنە جۇگىنۋ قاجەتتىلىگى تۋرالى حابارلاما بەردى. ەندى «ستۋدەنتتەر», «شىعىپ كەتكەندەر» جانە «قايتىس بولعاندار», «تىركەلمەگەن جۇمىسسىزدار مەن ءوزىن-ءوزى قامتيتىندار» ساناتتارى بويىنشا مارتەبەسى وزەكتەندىرىلمەگەن 31 746 ادام قالىپ وتىر.
«الداعى ۋاقىتتا فورمالدى ەمەس جۇمىسپەن قامتىلعان ادامداردى راسىمدەۋ ماقساتىندا «بىرىڭعاي جيىنتىق تولەمدى ەنگىزۋ» زاڭ جوباسى قولدانىسقا ەنەدى. بۇل زاڭ جوباسى ادامداردى مەديتسينالىق جانە الەۋمەتتىك ساقتاندىرۋ, زەينەتاقىمەن قامسىزداندىرۋ جۇيەلەرىنە تارتۋ, ءوزىن-ءوزى جۇمىسپەن قامتىعان ادامدار ساناتىنا قوسۋ شارالارى ماقساتىندا جۇرگىزىلەدى», – دەيدى ۇ.تىناليەۆ. باعدارلاما اياسىندا 2 053 اتىراۋلىق جۇمىسپەن قامتىلعان.
باقىتگۇل باباش,
«ەگەمەن قازاقستان»
اتىراۋ
