ۇلى جىبەك جولىنداعى كونە قالانىڭ تۇرمىسى مەن مادەنيەتىنەن سىر شەرتەتىن ارحەولوگيالىق ەكسپوناتتار كوكشەتاۋلىقتاردىڭ قىزىعۋشىلىعىن تۋدىرىپ وتىر. اتالمىش مادەني شارا «رۋحاني جاڭعىرۋ» باعدارلاماسى اياسىندا وتۋدە.
جالپى جامبىل وبلىسى اۋماعىنداعى تاريحي-مادەني ەسكەرتكىشتەردىڭ جالپى سانى 3365-ءتى قۇرايدى ەكەن. ال, اتالمىش قورىق مۋزەي قاراۋىندا جۇزدەن استام تاريحي-مادەني ەسكەرتكىشتەر جيناقتالعان. سول ەسكەرتكىشتەردىڭ وتىزى رەسپۋبليكالىق دارەجەدەگى ەسكەرتكىشتەر بولسا, بەس ءىرى ورتاعاسىرلىق اقىرتاس, قۇلان, اقتوبە-ستەپنينسكوە-بالاساعۇن, ورنەك قوستوبە قالاشىقتارى حالىقارالىق دارەجەدەگى, ياعني, يۋنەسكو-نىڭ بۇكىلالەمدىك مۇرالار تىزىمىنە ەنگەن. رەسپۋبليكالىق دارەجەدەگى 25 ەسكەرتكىشتىڭ قاتارىنداعى ايشا ءبيبى, بابادجا حاتۋن, قاراحان بابا, تەكتۇرماس, داۋىتبەك كەسەنەلەرى تارازدىڭ ءىنجۋ-مارجانى سانالادى. تارازدىق مۋزەي قىزمەتكەرلەرى «ەجەلگى تاراز ەسكەرتكىشتەرى» تاريحي-مادەني قورىق-مۋزەيىنىڭ قۇرىلعانىنا 20 جىل تولۋىنا وراي حالقىمىزدىڭ تاريحي قازىنالارىن ەلگە كورسەتۋ ءۇشىن ساپارعا شىعىپتى.
كورمەگە كەلۋشىلەر نازارىنا 300-گە جۋىق كونە جادىگەرلەر ۇسىنىلعان. ولاردىڭ قاتارىندا تۇرگەشتەر زامانىنان قالعان سىرعالار, بىلەزىكتەر, وزگەشە اشەكەيلەر, قولدان قۇيىلعان شىراعداندار دا بار.
بايقال ءبايادىل,
«ەگەمەن قازاقستان»
