تەمىرجول كولىگى سالاسىناداعى, سونىڭ ىشىندە ماشينا قۇراستىرۋ ءىسى بويىنشا ەكى جاقتى قاتىناستى نىعايتۋعا ارنالعان قۇجاتقا «قازاقستان تەمىر جولى» ۇك» اق باسقارما توراعاسى قانات الپىسباەۆ پەن «TCDD Tasimacilik A.S.» اق باس ديرەكتورى ۆەيسي كۋرت قول قويدى.
كەلىسىم ارقىلى ترانسكاسپيلىق حالىقارالىق كولىك ءدالىزى شەڭبەرىندە قر مەن تر اۋماعىنداعى كولىكتىك-لوگيستيكالىق جۇيە مەن ترانزيتتىك الەۋەتتى دامىتۋ سالاسىنداعى بىرلەسكەن جۇمىستار قاراستىرىلادى.
ء «بىزدىڭ ەلدەر اراسىندا باكۋ-تبيليسي-كارس تەمىر جول جەلىسى مەن كاسپيدەگى پورتتىق ينفراقۇرىلىم ترانسقۇرلىقتىق تاسىمالدىڭ ءوسۋ قارقىنىنا ىقپال ەتەتىن مۋلتيمودالدى ترانسكاسپيلىك ءدالىز قۇرىلدى. 2018 جىلى بىلتىرعىعا قاراعاندا تەمىر جول جانە اۆتوموبيل جولى ارقىلى تاسىمال ءوسىمى ءتورت ەسە بولادى دەپ كۇتىلۋدە. 2020 جىلعا قاراي تاسىمال كولەمىن 5 ملن تونناعا دەيىن جەتكىزۋ كوزدەلۋدە», - دەدى ق. الپىسباەۆ.
كەلىسىم شەڭبەرىندە تاراپتار سونىمەن قاتار قازاقستانعا جانە كەرى باعىتتا, قىتايدان تۇركياعا جانە كەرى باعىتتا جۇرەتىن جۇكتەر ءۇشىن «قورعاس-شىعىس قاقپاسى» اەا-دا شوعىرلاندىرۋ جانە ديستريبۋتسيالاۋ ورتالىعىن قۇرۋعا, كونتەينەرلەرگە باسەكەگە قابىلەتتى تاريفتىك شارتتار قويۋعا ۋاعدالاستى.
