ۇيلەستىرۋ كەڭەسىنىڭ وتىرىسىنا ارمەنيا رەسپۋبليكاسىنىڭ تج ءمينيسترى گ.د. روستوميان, بەلارۋس رەسپۋبليكاسى توتەنشە جاعدايلار ءمينيسترىنىڭ ورىنباسارى ا.ف. حۋدولەەۆ, قىرعىز رەسپۋبليكاسى توتەنشە جاعدايلار ءمينيسترىنىڭ ورىنباسارى ك.و. احماتوۆ, رەسەي فەدەراتسياسى تج ءمينيسترىنىڭ ورىنباسارى پ.ف. بارىشەۆ, تاجىكستان رەسپۋبليكاسى ۇكىمەتىنىڭ جانىنداعى توتەنشە جاعدايلار جانە ازاماتتىق قورعانىس كوميتەتى توراعاسىنىڭ ورىنباسارى م.م. ساليمزودا, ۇقشۇ حاتشىلىعى باس حاتشىسىنىڭ ورىنباسارى ۆ.ا. سەمەريكوۆ, سونداي-اق ورتالىق ازياداعى حالىقارالىق قىزىل كرەست كوميتەتىنىڭ وڭىرلىك وكىلدىگىنىڭ باسشىسى جان-جەروم كاسابيانكا, حالىقارالىق قىزىل كرەست كوميتەتىنىڭ رەسەي فەدەراتسياسى, بەلارۋس جانە مولدوۆاداعى وڭىرلىك دەلەگاتسيالارى قارۋ-جاراق قاۋپىنە قارسى كۇرەس ءبولىمىنىڭ وفيتسەرى ا. مەلنيكوۆ, قازاقستان رەسپۋبليكاسى قىزىل جارتى اي قوعامىنىڭ باس ديرەكتورى ە.ت. داكەباەۆا, توتەنشە جاعدايلار جانە دۇلەي ءزىلزالالاردىڭ قاۋىپ-قاتەرىن ازايتۋ ورتالىعىنىڭ ديرەكتورى ۆ.ۆ. پەتروۆ قاتىستى.
وتىرىس بارىسىندا ۇقشۇ تجۇك-نىڭ توراعاسى يۋ.ۆ. يلين قاتىسۋشىلاردى ءبىر جىل ىشىندە ۇقشۇ-عا مۇشە مەملەكەتتەر قۇزىرەتتى ورگاندارىنىڭ توتەنشە جاعدايلاردىڭ ۋاقىتىلى الدىن الۋ جانە ولاردىڭ سالدارىن جويۋدىڭ ءتيىمدى جۇيەسىن جاساۋعا باعىتتالعان بىرلەسكەن قىزمەتتىڭ ۇيلەستىرۋ مەحانيزمدەرىن قالىپتاستىرۋ جونىندەگى كۇشتەرىن بىرىكتىرۋ بويىنشا اتقارىلعان جۇمىسى تۋرالى ايتتى.
2018 جىلعا ارنالعان وقۋ-جاتتىعۋلار مەن ۇقشۇ-عا مۇشە مەملەكەتتەر ۋاكىلەتتى ورگاندارىنىڭ ءوزارا ءىس-ارەكەتتەرىن پىسىقتاۋ بويىنشا باسقا بىرلەسكەن ءىس-شارالار جوسپارلارى ويداعىداي ىسكە اسىرىلىپ جاتقانى تۋرالى باياندالدى.
2018 جىلعى 15-16 ناۋرىزدا استانا قالاسىندا (قازاقستان رەسپۋبليكاسى) ۇقشۇ-عا مۇشە مەملەكەتتەردىڭ توتەنشە جاعدايلار جونىندەگى ۇيلەستىرۋ كەڭەسىنىڭ جانىنداعى جۇمىس توبىنىڭ وتىرىسى ءوتتى.
2018 جىلعى 15-16 مامىردا ەرەۆان قالاسىندا (ارمەنيا رەسپۋبليكاسى) ۇقشۇ جەدەل دەن قويۋ ۇجىمدىق كۇشتەرىنىڭ ارنايى باعىتتاعى كۇشتەرى قۇرامالارىنىڭ قۇرامىنا بولىنگەن ۇقشۇ-عا مۇشە مەملەكەتتەردىڭ توتەنشە جاعدايلاردىڭ الدىن الۋ جانە ولاردى جويۋ سالاسىنداعى ۋاكىلەتتى ورگاندار بولىمشەلەرىنىڭ كوماندالىق قۇرامىمەن وقۋ-ادىستەمەلىك جيىن وتكىزىلدى.
2018 جىلعى 19-20 ماۋسىمدا الماتى قالاسىندا «سكالا-2018» ۇقشۇ-عا مۇشە مەملەكەتتەر قۇتقارۋ قۇرامالارىنىڭ تاكتيكالىق-ارنايى وقۋ-جاتتىعۋىنا دايىندىق جونىندەگى جۇمىس توبىنىڭ وتىرىسى ءوتتى. وسى ءىس-شارا الداعى وقۋ-جاتتىعۋعا دايىندىق كەزىندە ماڭىزدى جانە ءتيىمدى بولىپ تابىلاتىنىن اتاپ وتكەن ءجون.
2018 جىلعى 11-20 شىلدەدە بەلارۋس رەسپۋبليكاسى تجم گومەل ينجەنەرلىك ينستيتۋتى جانە كوماندالىق-ينجەنەرلىك ينستيتۋتى جانىنداعى ليتسەي بازاسىندا ءحVى حالىقارالىق جاس قۇتقارۋشىلار-ءورت سوندىرۋشىلەر سلەتى ءوتتى.
2018 جىلعى 10-11 قىركۇيەكتە ۇقشۇ جەدەل دەن قويۋ ۇجىمدىق كۇشتەرىنىڭ ارنايى ماقساتتاعى كۇشتەر قۇرالىمدارىنىڭ قۇرامىنا بولىنگەن ۇقشۇ-عا مۇشە مەملەكەتتەردىڭ توتەنشە جاعدايلاردىڭ الدىن الۋ جانە ولاردى جويۋ سالاسىنداعى ۋاكىلەتتى ورگاندارى بولىمشەلەرىمەن «سكالا-2018» III ارنايى تاكتيكالىق وقۋ-جاتتىعۋى ءوتتى.
ۇقشۇ ۇقك 2017 جىلعى قاراشادا وتكەن سەسسياسىنىڭ شەشىمىن ىسكە اسىرۋ بويىنشا ءىس-شارالار جوسپارىن جانە ۇيىمعا توراعالىعى كەزەڭىندە قازاقستان رەسپۋبليكاسى ۇسىنعان باسىمدىقتاردى ورىنداۋ جۇمىستارى جۇرگىزىلەدى. توتەنشە جاعدايلاردا زارداپ شەككەن ادامدارعا كومەك كورسەتۋ كەزىندە ۇكىمەتتىك ەمەس جانە حالىقارالىق ۇيىمداردىڭ الەۋەتىن پايدالانۋ ماقساتىندا ولارمەن ىنتىماقتاستىق كەڭەيتىلۋدە.
وتىرىستا توتەنشە جاعدايلاردا زارداپ شەككەن ادامدارعا كومەك كورسەتۋ كەزىندە حالىقارالىق ۇيىمداردىڭ الەۋەتىن پايدالانۋ, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ۋاكىلەتتى ورگانداردىڭ بولىمشەلەرىمەن تاكتيكالىق-ارنايى وقۋ-جاتتىعۋ وتكىزۋ, ۇقشۇ-عا مۇشە مەملەكەتتەر ءۇشىن كادرلاردى دايارلايتىن بازالىق وقۋ ورىندارىنىڭ قىزمەتى, توتەنشە جاعدايلاردىڭ الدىن الۋ جانە ولاردى جويۋ سالاسىنداعى ۋاكىلەتتى ورگانداردىڭ ءوزارا ءىس-قيمىل جاساۋ, «ۇقشۇ-عا مۇشە مەملەكەتتەردىڭ توتەنشە جاعدايلارعا دەن قويۋى تۋرالى» ۇقشۇ ۇجىمدىق قاۋىپسىزدىك كەڭەسىنىڭ 2016 جىلعى 14 قازانداعى شەشىمىنىڭ ورىندالۋىن ۇيىمداستىرۋ, ارمەنيا رەسپۋبليكاسى اۋماعىندا رەسەي-ارميان گۋمانيتارلىق دەن قويۋ ورتالىعىن قۇرۋ پروتسەسسى ماقساتىندا ولارمەن ودان ارعى ىنتىماقتاستىق ماسەلەلەرى جانە باسقا ماسەلەلەر قارالدى.
ءىس-شارا توتەنشە جاعدايلار جونىندەگى ۇيلەستىرۋ كەڭەسىنىڭ قورىتىندى قۇجاتتارىنا قول قويىلدى. وتىرىس قورىتىندىسى بويىنشا ۇقشۇ-عا مۇشە مەملەكەتتەردىڭ توتەنشە جاعدايلار جونىندەگى ۇيلەستىرۋ كەڭەسى ون ءبىرىنشى وتىرىسىنىڭ حاتتاماسى قابىلداندى, وندا بارلىق قابىلدانعان شەشىمدەر جازىلدى.
