ەلباسى مەملەكەت-جەكەمەنشىك ارىپتەستىگى ماڭىز بەرگەنى بەلگىلى. وسى جاعداي قالادا وتكەن سەمينار-كەڭەستە تالقىلاندى.
– كەلەر جىلدان باستاپ ء«بىلىم تۋرالى» زاڭعا سايكەس مەكتەپكە 6 جاستان بالالاردى قابىلداۋ نورماسى كۇشىنە ەنەدى. ول كەزدە ءۇش اۋىسىمدىق مەكتەپتەردىڭ تۋىنداۋ قاۋپى بار. مۇنى مەملەكەت تاراپىنان قويىلىپ وتىرعان تالاپ – جەكەمەنشىك مەكتەپتەردى دامىتۋ ارقىلى شەشەمىز, – دەيدى وبلىستىق ءبىلىم باسقارماسىنىڭ باسشىسى مايرا مەدەلبەكوۆا.
وبلىستىڭ باس مۇعالىمى ستۋدەنتتەرگە جاتاقحانانىڭ جەتىسپەۋشىلىگى ماسەلەسىن دە جەتكىزدى. 1,5 مىڭ ستۋدەنتكە كەم دەگەندە بەس جاتاقحانا سالىنۋى كەرەك ەكەن. مۇنى دا مەملەكەتتىك تاپسىرىسپەن قاتار جەكەمەنشىك ارىپتەستىگى اياسىندا شەشۋگە ابدەن بولادى. ايتقانداي, وبلىس جاستارىنا قاجەتتى 5 جاتاقحانانىڭ ەكەۋىنىڭ قۇرىلىسىن كاسىپكەرلەر سالىپ جاتىر
– مەملەكەت قازىر مەملەكەتتىك تاپسىرىس ارقىلى ءار جاتاتىن ورىنعا جاڭا قۇرىلىس بولسا, 122 ايلىق ەسەپتىك كورسەتكىش كولەمىندە تولەيدى. ال مودەرنيزاتسياعا, بولماسا قايتۋ قۇرۋ, رەكونسترۋكتسيا تاسىلىمەن جاسالاتىن بولسا 47 ايلىق ەسەپتىك كورسەتكىش كولەمىندە ءار ستۋدەنتكە تولەنەدى. بۇدان باسقا جاتاقحانالاردى بۇرىنعى جاتاقحانا ۇعىمىندا ەمەس, قازىرگى جاڭا ۇعىمدا – ستۋدەنتتەر ءۇيىن جاساۋ كەرەك دەپ ۇسىنۋدا», – دەيدى «قازاقستاندىق مەملەكەت-جەكەمەنشىك ارىپتەستىگى ورتالىعى» اق باسقارما توراعاسىنىڭ ورىنباسارى تالعات ماتاەۆ.
وسىلايشا ەكى جاققا دا ءتيىمدى باعىت بويىنشا جۇمىس ءجۇرىپ جاتىر. بۇگىندە «ماعان وتانىم نە بەردى دەپ ەمەس, مەن وتانىما نە بەردىم دەپ ويلا» دەگەن تامسىلگە ۇقساس وي ءجيى ايتىلادى. الەۋمەتتىك ماسەلەلەردىڭ ءبارىن مەملەكەتتىڭ يىعىنا ارتىپ قويىپ, كەتپەننىڭ سابىنان قاراۋىل قاراۋ جانىاشىماستىڭ ءىسى. شىن جاناشىرلاردىڭ پيعىلى وسىنداي كەزدەردە تانىلادى.
باقتيار تايجان,
«ەگەمەن قازاقستان»
قىزىلوردا وبلىسى
