الەم • 12 قىركۇيەك، 2018

پاريجدەگى قازاقستاندىق رۋح سالتاناتى

144 رەتكورسەتىلدى

فرانتسيا استاناسىنداعى ايگىلى سالتانات قاقپا­سىنىڭ ءدال جانىنداعى قازاقستان ەلشىلىگىنىڭ الدىندا زاعيپ جانە كوزى ناشار كورەتىن وتانداس­تارى­مىزدىڭ «استانا – پاريج» باعىتىمەن وتكەن قۇرلىقارالىق «شەكتەۋسىز سپورت» ۆەلومارافونى ءوز مارەسىنە جەتتى.

وسىدان ءبىر ايدان استام ۋاقىت بۇرىن «قازاق ەلى» ەسكەرتكىشىنەن باستالعان بىرەگەي جوبا جالپى سانى 17 ادام قۇرايتىن، اراسىندا كوزى كورمەيتىندەرمەن قاتار دەنى ساۋ ەرىكتىلەر دە بار، رۋحى مىقتى ازاماتتار توبى 6 مەم­­لە­كەت اۋماعىنداعى 30 قالا­نى قام­تى­عان ۇزىندىعى 5 مىڭ شا­قى­رىم جولدى ءجۇرىپ ءوتتى. «شەك­تەۋ­سىز مۇمكىندىكتەر الەمى» ۇرانى­مەن وتكەن ۆەلومارافون باستا­ما­شىلارىنىڭ ايتۋىن­شا، ونىڭ نەگىزگى ماقساتى مۇم­كىندىكتەرى شەكتەۋلى وتان­داس­تارىمىزدىڭ بيىك مۇراتتارعا جەتە الاتىندارىن كورسەتۋ جانە كوپشى­لىكتى سپورتپەن ۇدايى شۇ­عىل­دانۋعا ءارى سالاماتتى ءومىر سالتىن ۇس­تانۋعا شاقىرۋ بولدى. ءىس-شارا باس­تالعاننان بەرى سپورت­شىلار جولدارىندا كەزدەسكەن كوپتەگەن جانداردان تاماشا قولداۋ تاپتى.

جوبانىڭ سوڭعى بولىگى نوجان-سيۋر-مارن قالاسىندا ورنالاسقان قازاقتىڭ ءبىرتۋار قايراتكەرى مۇستافا شوقايدىڭ مۇسىنىنەن باستالىپ، ايگىلى «تۋر دە فرانس» ۆەلوجارىسىنىڭ قورىتىندى كەزەڭى وتەتىن ەليسەي القاپتارى داڭعىلى مەن باسقا دا كوشەلەردى قوسا العاندا پاريج ايماعى مەن اتاقتى استانانىڭ ايتۋلى ورىندارى ارقىلى ءوتتى. باتىل سپورتشىلاردى قولداۋ ءۇشىن ولاردىڭ قاتارىنا فرانتسياداعى قازاقستان ەلشىسى جان عاليەۆ پەن فرانتسيانىڭ ەۋروپا جانە سىرتقى ىستەر مينيسترلىگىن­دەگى «Diplomaسycles» ۆەلوسپورت اۋەسقويلارى قاۋىمداستىعىنىڭ مۇشەلەرى دە قوسىلدى.

سالتانات قاقپاسىنىڭ جانىندا ۆەلومارافونشىلاردى ءپاريجدىڭ 8-ءشى اۋدانىنىڭ اكىمى جانن د’وسكار، قۇرمەت­تى سەناتور، بوريوگار-لەۆەك كوم­مۋ­نا­سىنىڭ مەرى، بۇرىنعى كاسىبي ۆەلوسيپەدشى الەن نەري، پار­وليمپيالىق قوردىڭ جەتەك­شى­سى الەن سيكليس، قازاقستاندىق ستۋدەنتتەر، دياسپورا وكىلدەرى، قازاقستاننىڭ فرانتسۋز دوستارى، ديپلوماتتار مەن ولاردىڭ وتباسىلارى قۋانا قارسى الدى.

ۆەلومارافونشىلاردى قار­سى الۋ راسىمىندە قازاقستاندىق ەلشى: «كەزدەسكەن قيىندىقتارعا قارا­­ماي، تالاي مەيىرىمدى ادام­دار­­مەن تانىسۋعا مۇمكىندىك بەرگەن وسىناۋ ۇزاق جولدىڭ مارە­سىن­دە سىزدەردى كورۋگە اسا قۋانىش­تىمىز. وسىنداي باستامالار حا­لىق­تار مەن مادەنيەتتەردى شى­نايى جاقىنداستىرا تۇسەدى ءارى قازاق­ستاننىڭ شەتەلدەگى ابى­­رويىن نىعايتا تۇسەدى. استا­نا مەن ءپاريجدى قوسقان وسى ۆە­لو­­ما­رافون قازاقستان مەن فران­­تسيا اراسىنداعى سترا­تە­گيا­لىق ارىپ­تەستىكتىڭ 10 جىل­دىعى اتا­لىپ جاتقان كەزەڭ­دە ۇيىم­داس­تىرىلعانى ءبىز ءۇشىن ەرەكشە مانگە يە بولىپ كورىنەدى. سەبەبى بۇگىنگى جە­ڭىس­تەرىڭىز ەكىجاقتى سپورت­تىق جانە گۋمانيتارلىق ىنتىماقتاستىقتى نىعايتۋعا ءوز ۇلەسىن قوستى دەي الامىز»، دەدى.

سپورتشىلار ءۇشىن ءپاريجدىڭ ەڭ كورىكتى جەرلەرىن تاماشالاۋعا مۇمكىندىك بەرگەن تەپلوحودپەن ەكسكۋرسيا ۇيىمداستىرىلدى.

قالالار مەن ەلدەردى كەشە جۇرە، ۆەلومارافونشىلار زاعيپ­تاردى قولداۋ بىر­لەس­تىك­تەرى­مەن، سپورتتىق قاۋىمداس­تىقتارمەن، جەرگىلىكتى بيلىك وكىلدەرىمەن، جۇزدەگەن جانە مىڭداعان ادام­دارعا جولىعىپ، العا قويعان ماق­ساتتان تايماي ىلگەرى باسۋدىڭ جار­قىن ۇلگىسىن كورسەتە ءبىلدى.

ۆەلومارافون جولىنداعى ءاربىر مەملەكەتتە قازاقستاننىڭ ديپلوماتيالىق وكىلدىكتەرى وتانداستارىنا سالتاناتتى قابىلداۋ مەن جەرگىلىكتى پاراسپورتشىلارمەن كەزدەسۋلەر ۇيىمداستىرىپ، ولاردىڭ تراسسالاردا قاۋىپسىز جۇرۋلەرىنە جاردەم جاسادى.

بالالار مەن جاستاردى قول­داۋ­دىڭ «اناشىم» قايى­رىم­دىلىق قورى 2001 جىلى قۇرى­لىپ، سودان بەرى نەگىزىنەن كورۋ جاعىنان قيىندىقتارى بار ازا­مات­­تاردىڭ الەۋمەتتەنۋىمەن اي­نا­لىسادى. وسى ۋاقىتتىڭ ىشىن­دە مۇمكىندىكتەرى شەكتەۋلى جان­دار­دىڭ قوعامنىڭ تولىققان­دى مۇشەلەرى بولۋىنا قولداۋ كور­سەتكەن ءبىرتالاي تابىستى جوبا­ل­اردى جۇزەگە اسىرىپ ۇل­گەر­دى. قوردىڭ قامقورلىعىمەن 2016 جىلى «شەكتەۋسىز سپورت» جو­با­­سى­­نىڭ نەگىزى قالانىپ، ونىڭ ايا­سىن­دا زاعيپتار مەن ناشار كورە­تىن ازاماتتاردىڭ قاتى­سۋىمەن «الماتى – استانا» جانە «ال­ماتى – ىستىقكول» باعىت­تا­رى بويىنشا ەكى ۆەلومارافون ءوتتى.

 

دايىنداعان جولدىباي بازار،

«ەگەمەن قازاقستان»

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار