بۇل تاپسىرما ۇلتتىق ەكونوميكا مينيسترلىگىنە, مۇددەلى مەملەكەتتىك ورگاندار مەن پرەمەر-ءمينيستردىڭ كەڭسەسىنە تاپسىرىلدى.
«نەگىزگى ماسەلە – پرەزيدەنت تاپسىرمالارىننىڭ ورىندالۋ بارىسى, اسىرەسە – سەسسيانىڭ اشىلۋىندا بەرىلگەن تاپسىرمالار, پرەزيدەنتتىڭ بەس الەۋمەتتىك باستاماسى بويىنشا تاپسىرمالار. تيمۋر مۇرات ۇلى, تاپسىرمالاردىڭ ورىندالۋ ساپاسى, پروبلەمالار مەن ولاردى شەشۋ جولدارى بويىنشا ەگجەي-تەگجەيلى تالداۋ قاجەت», — دەدى پرەمەر-مينيستر.
ەسكە سالا كەتەيىك, ۇكىمەت وتىرىسىندا ەلىمىزدىڭ 2018 جىلدىڭ سەگىز ايىنداعى الەۋمەتتىك-ەكونوميكالىق دامۋى مەن رەسپۋبليكالىق بيۋدجەتتىڭ اتقارىلۋىنىڭ قورىتىندىلارى تۋرالى ورتالىق جانە جەرگىلىكتى اتقارۋشى ورگانداردىڭ باسشىلارى باياندادى.
ۇلتتىق ەكونوميكا ءمينيسترى تيمۋر سۇلەيمەنوۆ وسى جىلدىڭ قاڭتار–تامىز ايلارىندا قازاقستان ەكونوميكاسىنىڭ وڭ ءوسۋ ءۇردىسى ساقتالىپ وتىرعانىن ايتتى. سونىمەن بىرگە, ەكونوميكالىق دامۋ الەمدىك نارىقتارداعى سىن-تەگەۋرىندەر مەن قۇبىلمالىلىقتاردىڭ كۇشەيۋى جاعدايىندا ءجۇرىپ جاتىر.
«ەسەپتى كەزەڭدە ءجىو ءوسۋى 3,8% قۇرادى. ءجىو ءوسىمى بويىنشا 4% ماقساتقا جەتۋ ءۇشىن, اي سايىنعى ءوسىمدى اعىمداعى جىلدىڭ سوڭىنا دەيىن ورتا ەسەپپەن 4,2% دەڭگەيىندە قامتاماسىز ەتۋ قاجەت», — دەدى ت. سۇلەيمەنوۆ.
