اتىراۋ وبلىسىنىڭ اكىمى نۇرلان نوعاەۆ, «تۇرعىن ءۇي قۇرىلىس جيناق بانكى» اق باسقارما توراعاسى ءلاززات يبراگيموۆا جانە «اتىراۋ» اكك باسشىسى مارات تۇسىپقاليەۆ ىنتىماقتاستىق تۋرالى مەموراندۋمعا قول قويدى.
بۇل كەلىسىمشارت بويىنشا 2019 جىلى تاپسىرىلاتىن 297 پاتەرگە ارنالعان 4 نىساننىڭ قۇرىلىسى سالىناتىن بولادى. بۇدان باسقا اتىراۋ وبلىسىنىڭ تۇرعىندارىن تۇرعىن ۇيمەن قامتاماسىز ەتۋ ءۇشىن بىرقاتار مەموراندۋمدارعا قول قويىلدى.
اتىراۋ وبلىسىنىڭ اكىمى نۇرلان نوعاەۆ سالەم جولداي وتىرىپ, وبلىس تۇرعىندارىن تۇرعىن ۇيمەن قامتاماسىز ەتۋ بويىنشا جۇرگىزىلىپ جاتقان جۇمىستار تۋرالى اڭگىمەلەپ بەردى.
- قازىرگى تاڭدا وبلىستا 3 مىڭ پاتەرلى 44 كوپقاباتتى ءۇي سالىنادى. جىلدىڭ سوڭىنا دەيىن 2000 پاتەرگە ارنالعان 34 كوپ قاباتتى ءۇي پايدالانۋعا بەرىلەدى. ايتا كەتۋ كەرەك, «7-20-25» مەملەكەتتىك باعدارلاماسىنا قىزىعۋشىلىق تانىتىپ, جىل باسىنان بەرى 59 ءوتىنىم قابىلداندى, ونىڭ 34-ءى بەكىتىلدى,- دەدى وبلىس اكىمى.
بۇدان باسقا, جاسالعان مەموراندۋمدار اياسىندا «نۇرسايا» ىقشام اۋدانىندا 100 پاتەرلىك تۇرعىن ۇيلەر قۇرىلىسى تۇرعىزىلادى. سونداي-اق, «نۇرلى جەر» باعدارلاماسى بويىنشا «نۇرسايا» جانە «بەرەكە» اۋداندارىندا 21 تۇرعىن ءۇي سالىناتىن بولادى.
«نۇرلى جەر» باعدارلاماسىنىڭ تاعى بىرەۋى تالعايران تۇرعىن اۋدانىندا 80 جەكە مەنشىك ءۇي سالىنادى. ولاردىڭ اۋدانى 64 - 191 شارشى مەتر, ۇيلەرى ءبىر جانە ەكى قاباتتى.
1 شارشى مەتردىڭ تۇرعىن ءۇي باعاسى - 120 000 تەڭگە.
سونىمەن بىرگە الەۋەتتى ساتىپ الۋشىلار جەر ۋچاسكەسىن الۋ ءۇشىن جەرگىلىكتى اكىمدىكتە بولۋعا ءتيىس.
«نۇرلى جەر» باعدارلاماسىنىڭ قاتىسۋشىسى بولۋ ءۇشىن جانە تۇرعىن ءۇيدى ساتىپ الۋ ءۇشىن دسسب ەسەبىندە 20% باستاپقى جارنا جەتكىلىكتى. ەگەر 1 بولمەلى پاتەردىڭ قۇنىن 7 ميلليون تەڭگە دەپ الاتىن بولساڭىز, وندا دەپوزيتكە 1,4 ميلليون تەڭگە جيناۋ كەرەك. سودان كەيىن بانك جەڭىلدەتىلگەن نەسيەنى جىلدىق 5% مولشەرىندە بەرەدى , -دەپ مالىمدەدى تۇرعىن ءۇي قۇرىلىس جيناق بانكىنىڭ توراعاسى ءلاززات يبراگيموۆا.
