قىركۇيەك كەلدى دەگەنشە ماقتالى اۋدانداردا جۇمىس قىزا تۇسەدى. باۋ-باقشا ونىمدەرىنىڭ جيىن-تەرىمى تولىق اياقتالماي جاتىپ, جەتىساي اۋدانىندا ماقتا تەرىمى باستالدى. ج. ەراليەۆ, ش. دىلدابەكوۆ, ماقتالى, قاراقاي اۋىل وكرۋگتەرىندەگى ۇساق شارۋا قوجالىقتارىندا ماقتا قولمەن تەرىلۋدە.
بيىل اۋداندا 48220 گەكتارعا ماقتا ءدانى سەبىلگەن. اۋدان شارۋالارى ءونىم بىلتىرعىدان, ياعني ورتاشا ەسەپپەن ءار گەكتاردان 25 تسەنتنەردەن تومەن بولمايدى دەپ وتىر. ماقتا تەرەتىن 70-كە جۋىق «دجوندير» كومبايندارى القاپقا شىعۋعا دايىندالۋدا. سونىمەن قاتار, اۋدان كولەمىندە اق التىن جيناۋعا ارنالعان قابىلداۋ بەكەتتەرى ىسكە قوسىلۋدا.
عالىمجان ەلشىباي,
«ەگەمەن قازاقستان».
تۇركىستان وبلىسى
