جاننا باستاروۆا ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق جۋرناليستيكا» ماماندىعىمەن تامامداعان. سونداي-اق, جوعارى ەكونوميكالىق ءبىلىمى بار.
2005-2014 جىلدارى قر ەكونوميكالىق جانە سىبايلاس جەمقورلىققا قارسى كۇرەس اگەنتتىگىنىڭ استانا قالاسى بويىنشا ايماقتىق دەپارتامەنتىنىڭ ءباسپاسوز حاتشىسى, اسا ماڭىزدى ىستەر بويىنشا باس ينسپەكتور, باس ساراپشى, اگەنتتىكتىڭ باس اپپاراتى ءباسپاسوز قىزمەتىنىڭ باس كەڭەسشىسى بولعان. مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ورگاندارىندا 2014 جىلدان بەرى جۇمىس ىستەيدى.
قازىرگى تاعايىنداۋعا دەيىن مەملەكەتتىك قىزمەت جانە سىبايلاس جەمقورلىققا قارسى ءىس-قيمىل اگەنتتىگىنىڭ قوعاممەن بايلانىس دەپارتامەنتى ءباسپاسوز قىزمەتىنىڭ جەتەكشىسى بولدى. بۇدان بۇرىن اگەنتتىكتىڭ رەسمي وكىلى - قوعاممەن بايلانىس دەپارتامەنتى ديرەكتورىنىڭ ورىنباسارى بولعان نۇرلان جاحين پاۆلودار وبلىسى بويىنشا اگەنتتىكتىڭ ايماقتىق دەپارتامەنتى باسشىسىنىڭ ورىنباسارى بولىپ تاعايىندالدى.
اليك شپەكباەۆ نۇرلان جاحينگە مەملەكەتتىك قىزمەتتىڭ ءيميدجى مەن اگەنتتىككە قوعامدىق سەنىمنىڭ نىعايۋىنا قوسقان ۇلەسى ءۇشىن العىس ايتتى.
«ولاردى تاعايىنداۋ كەزىندە ءبىلىمى, تاجىريبەسى, قابىلەتتەرى مەن ءوز قىزمەتتەرىنە دەگەن جاۋاپكەرشىلىكتەرى ەسكەرىلدى», - دەدى اليك شپەكباەۆ.
