ەكىجاقتى ساۋدا اينالىمى كولەمىن ۇلعايتۋ, ينۆەستيتسيالىق ىنتىماقتاستىقتى كەڭەيتۋ ءۇشىن ايتارلىقتاي الەۋەتتىڭ بار ەكەندىگى اتاپ كورسەتىلدى.
قازاقستان ەلشىسى ءبىزدىڭ ەلىمىزدىڭ ينۆەستيتسيالىق ساياساتىنىڭ نەگىزگى باعىتتارى, گرۋزيا ۇكىمەتى باسشىسى تاراپىنان قولداۋ تاپقان «Kazakh Invest» كومپانياسىنىڭ تبيليسيدە ءوز وكىلدىگىن اشۋ جوسپارى تۋرالى اڭگىمەلەدى. ديپلومات سونداي-اق بيىل قىركۇيەكتىڭ سوڭىندا تبيليسيدە وتكىزىلەتىن قازاقستاندىق كاسىپكەرلەردىڭ ساۋدا ميسسياسىنىڭ ەكىجاقتى ساۋدا قارقىنىن قولداۋ ءۇشىن اسا ماڭىزدى ەكەندىگىن اتاپ كورسەتتى. گرۋزين تاراپىنا «استانا» حالىقارالىق قارجى ورتالىعى مەن جاسىل تەحنولوگيالار جانە ينۆەستيتسيالىق جوبالاردى دامىتۋدىڭ حالىقارالىق ورتالىعىنىڭ قىزمەتى تۋرالى اقپارات بەرىلدى.
م. باحتادزە قازاقستان جانە گرۋزيا ەكونوميكالارىنىڭ مۇمكىندىكتەرىن ەسكەرىپ, ەنەرگەتيكا جانە ترانزيت-كولىكتىك سالالارداعى ىنتىماقتاستىقتى دامىتۋدىڭ ماڭىزدىلىعىن اتاپ كورسەتتى. ول سونداي-اق ەكى ەلدىڭ «جاسىل تەحنولوگيالار» سالاسىندا, زياندى قالدىقتاردى جويۋ ماسەلەلەرىندە ىنتىماقتاستىقتى دامىتۋعا مۇددەلىلىك ءبىلدىردى.
گرۋزيانىڭ پرەمەر-ءمينيسترى ەكى ەلدىڭ استانالارى مەن ءىرى قالالارى اراسىنداعى اۋە قاتىناسىنىڭ جيىلىگىنە قاناعاتتانۋشىلىق ءبىلدىرىپ, سونىمەن قاتار قازاقستاننان ەۋروپالىق ەلدەرگە قوسىمشا رەيستەر اشۋدا گرۋزين تاراپىنىڭ مۇمكىندىكتەرىن پايدالانۋعا دايىندىعىن جەتكىزدى.
ساۋدا-ەكونوميكالىق, مادەني-گۋمانيتارلىق, ينۆەستيتسيالىق جانە تۋريستىك سالالارداعى ءوزارا ءتيىمدى ىنتىماقتاستىقتى ودان ءارى دامىتۋعا قاجەتتى بارلىق شارالاردى قابىلداۋعا نيەت ءبىلدىرىلدى.
