كوميتەت توراعاسى اسقار بەيسەنباەۆ كوشپەلى وتىرىستا نۇرسۇلتان نازارباەۆتىڭ 5 ينستيتۋتتىق رەفورما جونىندەگى باستاماسىن ىسكە اسىرۋ تۇرعىسىندا «100 ناقتى قادام» - ۇلت جوسپارىندا ەكونوميكانىڭ كەلەشەگى زور سالالارىن دامىتۋ تۋرالى كوپتەگەن شارالار كوزدەلگەنىن اتاپ ءوتتى. ول ەڭ الدىمەن ەلەكتر ەنەرگەتيكاسى جانە ەنەرگيا تيىمدىلىگى سالالارىنا قاتىستى بولىپ وتىر.
سەناتور A.بەيسەنباەۆ پارلامەنت وتكەن جىلى جانە بيىل ەلەكتر ەنەرگەتيكاسى سالاسىنداعى زاڭناماعا «بىرىڭعاي ساتىپ الۋشى» ۇلگىسىن ەنگىزۋ ارقىلى نەگىزگى قۇرالداردى جاڭعىرتۋ, قايتا قۇرۋ, كەڭەيتۋ جانە جاڭارتۋ ءۇشىن ەنەرگيا ءوندiرۋشi ۇيىمدارعا سالىنعان ينۆەستيتسيالاردى ۇزاق مەرزىمدە قايتارۋعا كەپىلدىك بەرۋدى قامتاماسىز ەتۋگە مۇمكىندىك بەرەتىن بىرقاتار تۇزەتۋلەر قابىلداعانى تۋرالى حاباردار ەتتى.
وتىرىستا ءسوز العان پاۆلودار وبلىسىنىڭ اكىمى بولات باقاۋوۆ ماسەلەنىڭ ماڭىزى مەن وزەكتىلىگىن اتاپ, وبلىستاعى ەلەكتر ەنەرگەتيكاسى سالاسىنىڭ جاي-كۇيىمەن تانىستىردى.
سەناتور ماناپ كوبەنوۆ ءوز بايانداماسىندا ەلەكتر ەنەرگەتيكاسى سالاسىنىڭ نەگىزگى ماسەلەلەرىنە جان-جاقتى توقتالدى. اتاپ ايتقاندا, ەلەكتر ەنەرگياسىن تۇتىنۋ ءوسىپ كەلە جاتقاندا سۇرانىس پەن ۇسىنىستى تەڭەستىرۋ شارالارى قولعا الىنباي وتىرعانى, جابدىقتاردىڭ جاپپاي توزا باستاۋى مەن ەلەكتر قۋاتى قورلاردىڭ ازدىعى, جاڭارتىلاتىن ەنەرگيا كوزدەرىنىڭ بولماۋى, سونداي-اق سولتۇستىك, وڭتۇستىك جانە باتىس ەنەرگەتيكالىق ايماقتارى اراسىندا بايلانىستىڭ السىزدىگى تۋرالى ايتىلدى.
ەنەرگەتيكا ءمينيسترىنىڭ ورىنباسارى ماعزۇم مىرزاعاليەۆ ەلەكتر ەنەرگەتيكاسى سالاسىنداعى سۋبەكتىلەر قىزمەتىنىڭ نەگىزگى كورسەتكىشتەرىمەن جانە وسى سالانى دامىتۋ ءۇشىن مەملەكەتتىك ورگاندار قابىلداعان شارالارمەن تانىستىردى.
كوميتەت وتىرىسىندا «KEGOك» اكتسيونەرلىك قوعامى سولتۇستىك بولىمشەسىنىڭ ديرەكتورى الەكساندر داينەكو, «ەكىباستۇز گرەس-1» باس ديرەكتورى ءمادي ابىشەۆ تە ءسوز سويلەدى.
كەزدەسۋگە قاتىسۋشىلار ەنەرگيامەن قامتاماسىز ەتۋ, وڭىرلىك ەلەكتر جەلىسى كومپانيالارى مەن ەنەرگيامەن جابدىقتاۋشى ۇيىمداردى ىرىلەندىرۋ, ينۆەستيتسيا تارتۋ, ونىمدەردى ەكسپورتتاۋ, سونداي-اق سالانى مەملەكەتتىك باسقارۋدىڭ تيىمدىلىگىن ارتتىرۋعا بايلانىستى ماسەلەلەردى تالقىلادى.
كوميتەتتىڭ كوشپەلى وتىرىسىندا قاتىسۋشىلاردىڭ ايتقان پىكىرلەرى مەن ۇسىنىستارى ەسكەرىلە وتىرىپ, ەلىمىزدىڭ ەلەكتر ەنەرگەتيكاسى سالاسىن قولداۋ جانە ودان ءارى دامىتۋ ءۇشىن ءتيىمدى شارالار ازىرلەۋ تۋرالى قورىتىندى جاسالدى.
كوميتەتتىڭ كوشپەلى وتىرىسىنىڭ اياسىندا دەپۋتاتتار «ب.نۇرجانوۆ اتىنداعى ەكىباستۇز گرەس-1», «ونەركاسىپ ماشيناسى كومپلەكت» مەكەمەلەرىندە بولدى. سونداي-اق مەملەكەت باسشىسىنىڭ ايماقتارداعى تۋريزم سالاسىنىڭ الەۋەتىن دامىتۋ قاجەتتىگى تۋرالى تاپسىرماسىن ىسكە اسىرۋ ماقساتىندا باياناۋىل اۋدانىندا تۋريزم كلاستەرىن دامىتۋ جاعدايى, وزەكتى ماسەلەلەرى جانە كەلەشەگىمەن تانىستى.
