تاۋەلسىزدىكتىڭ جولى قاتتى, ءدامى ءتاتتى

تاراز يننوۆاتسيالىق-گۋمانيتارلىق ۋنيۆەرسيتەتىنىڭ «شەرحانتانۋ» عىلىمي-زەرتتەۋ ورتالىعى مەملەكەتتىك سىيلىقتىڭ يەگەرى, بەلگىلى قوعام قايراتكەرى, جازۋشى شەرحان مۇرتازانىڭ «تاۋەلسىزدىكتىڭ جولى قاتتى, ءدامى ءتاتتى» دەپ اتالاتىن كىتابىن وقىرماندارعا ۇسىنىپ, تۇساۋكەسەرىن وتكىزدى. اتالمىش وقۋ ورنىنىڭ باسپاحاناسى مۇنىڭ الدىندا دا ءوز ستۋدەنتتەرىن «قازاقتىڭ شەراعسى» دەگەن تاعىلىمدى كىتاپپەن قۋانتقان بولاتىن. قالالىق مادەنيەت ۇيىندە وتكەن تۇساۋكەسەردە ستۋدەنتتەر ءوز ولەڭدەرى مەن جازۋشى شىعارمالارىنان ۇزىندىلەر وقىدى. كەزدەسۋ بارىسىنداعى وزىنە دەگەن, ءوزى باقىتتى ءومىر ءسۇرىپ جاتقان ەلگەن دەگەن ىقىلاس پەن پەيىلگە تولقىعان شەرحان مۇرتازا: - ءبىزدىڭ اتا-بابالارىمىز ءوز ەلى, ءوز جەرىندەگى قوي ۇستىنە بوزتورعاي جۇمىرتقالاعان وسىنداي زاماندى عاسىرلار بويى ارمانداپ, اڭساپ وتكەن. مىنە, ءبىز سول بەيبىت زاماندى ءوز كوزىمىزبەن كورىپ, تىنىشتىقپەن ءومىر ءسۇرىپ وتىرمىز. ءوز ەلىمىز, ءوز باسشىمىز بار. باسشىمىز - ەل تىنىشتىعىنىڭ كەپىلى. ەل ەرتەڭى – جاستار سول تىنىشتىقتى كوزدەرىنىڭ قاراشىعىنداي ساقتاي ءبىلۋى كەرەك. تالاي عاسىرلاردان كەيىن تابىسقان تاۋەلسىزدىگىمىزدىڭ تۇرعىرى مىقتى بولسىن!! – دەپ باتا بەردى. كوسەمالى ساتتىباي ۇلى, جامبىل وبلىسى