پاۆلوداردا وتەتىن تۇڭعىش بپۇ فورۋمىندا جالپى سانى 250 ادامنان استام پارتيا ورتالىق اپپاراتىنىڭ قىزمەتكەرلەرى, اقمولا, شىعىس قازاقستان, سولتۇستىك قازاقستان جانە پاۆلودار وبلىستارىنان كەلگەن ءىرى باستاۋىش پارتيا ۇيىمدارىنىڭ باسشىلارى مەن اۋماقتىق پارتيا فيليالدارى توراعالارىنىڭ ءبىرىنشى ورىنباسارلارى قاتىسادى.
ەكى كۇندىك جيىننىڭ باستى ماقساتى – بپۇ بەلسەندىلىگىن ارتتىرۋ كونتسەپتسياسىنىڭ جوباسىن تالقىلاۋ. سونىمەن بىرگە, ءىس-شارا بارىسىندا قاتىسۋشىلار پارتيالىق كادرلىق رەزەرۆتى قالىپتاستىرۋ ماسەلەلەرىن قاراستىرىپ, «الەۋمەتتىك جەلىلەردە پارتيالىق جۇمىستى جۇرگىزۋدىڭ تەحنولوگيالارى» سەكىلدى ماسس-مەديا ماماندارىنىڭ ماستەر-كلاسستارىنا قاتىستى.
- باستاۋىش پارتيا ۇيىمدارىنىڭ بەلسەندىلىگىن ارتتىرۋ كونتسەپتسياسىن ازىرلەپ, ونى پارتيا قىزمەتىن مودەرنيزاتسيالاۋ تۇرعىسىنان قاراستىرۋدامىز. ماسەلەن, باستاۋىش ۇيىمدار جالپىۇلتتىق كۇن ءتارتىبىن قالىپتاستىرۋعا قالاي قاتىسادى, مەملەكەت باسشىسىنىڭ جۇكتەگەن مىندەتتەرى مەن ماقساتتارى تۋرالى حالىققا قانداي اقپارات جەتكىزەدى, جاستارمەن قالاي جۇمىس ىستەيدى, ايماقتاردىڭ الەۋمەتتىك ماسەلەلەرىن مونيتورينگىلەۋ ءۇشىن ساياسي جانە ستراتەگيالىق مۇمكىندىكتەرىمىز قانداي بولماق, پارتيا مۇشەلەرىنىڭ ساپالىق قۇرامى قانداي بولۋى كەرەك دەگەن ماسەلەلەر اسا ماڭىزدى. ايماقتىق فورۋم ناتيجەسى بويىنشا تۇسكەن ۇسىنىستار استانادا وتەتىن بپۇ رەسپۋبليكالىق فورۋمىندا كورسەتىلەدى, - دەدى تامارا دۇيسەنوۆا ءىس-شارانىڭ اشىلۋىندا.
فورۋم جۇمىسى بىرنەشە سەكتسياعا بولىنگەن. ءاربىر سەكتسيادا رەسپۋبليكانىڭ ءتورت وبلىسىنان كەلگەن پارتيالىقتار پارتيا حاتشىسى ت. دۇيسەنوۆانىڭ قاتىسۋىمەن بولاشاق بپۇ بەلسەندىلىگىن ارتتىرۋ كونتسەپتسياسىن تالقىلادى. ونىڭ ىشىندە قىزمەتتى باعالاۋ, جىگەرلەندىرۋ جۇيەسىن ەنگىزۋ, باستاۋىش پارتيا ۇيىمدارىنىڭ مالىمەتتەر بازاسىن جاڭارتۋ, پارتيالىق ءبىلىم بەرۋ, ادامي رەسۋرستاردى باسقارۋ جانە پارتيالىق كادرلىق رەزەرۆتى قالىپتاستىرۋ ماسەلەلەرى قاراستىرىلدى.
ت.دۇيسەنوۆا اتاپ وتكەندەي, پارتيا باسشىلىعى باستاۋىش ۇيىمداردان بپۇ قىزمەتىنىڭ بەلسەندىلىگىن ارتتىرۋ جانە ۇيىمنىڭ كادرلىق الەۋەتىن كۇشەيتۋ بويىنشا ناقتى ۇسىنىستار كۇتەدى. ءارى قاراي فورۋمعا قاتىسۋشىلار «تسيفرلىق پارتيا» جوباسىمەن تانىستى. بۇل جوبا پارتيا قىزمەتىن تسيفرلاندىرۋعا, ءبىرتۇتاس مۇشەلەر بازاسىن قالىپتاستىرۋ جانە قاعازباستىلىقتان ارىلۋعا باعىتتالعان.
پارتيا ورتالىق اپپاراتىنىڭ ساياسي جۇمىس دەپارتامەنتىنىڭ ديرەكتورى دانيار الجانوۆپەن بىرگە قاتىسۋشىلار پارتيانىڭ يدەولوگيالىق جوبالارى, تسيفروۆيزاتسيا, تۇرعىنداردىڭ تسيفرلىق ساۋاتىن ارتتىرۋ, ۇشتىلدىلىككە كوشۋ, بيزنەستىڭ گەواقپاراتتىق ونلاين-سەرۆيس, شاعىن جانە ورتا بيزنەستى دامىتۋ, مەملەكەتتىك جاستار ساياساتىن, «رۋحاني جاڭعىرۋ» باعدارلاماسىن جۇزەگە اسىرۋ جانە قولداۋ جانە ت.ب. 22 جاڭا پارتجوبانىڭ جۇزەگە اسىرىلۋىن تالقىلادى.
ورتالىق اپپارات ءباسپاسوز-قىزمەتىنىڭ باسشىسى ءاليا بوريەۆامەن سپيكەرلەرمەن جۇمىس جاساۋ مەxانيزىمىنە تالداۋ جاسالىندى. سونىمەن قاتار, ايماقتىق فورۋمعا قاتىسۋشىلار نازارىنا «شەشەندىك ونەر», «ساياسي كوممۋنيكاتسيالار» جانە باسقا دا ترەنينگتەر ۇسىنىلدى. فورۋمنىڭ ەكىنشى كۇنىندە پارتيا وبلفيليالىندا پلەنارلىق وتىرىس وتەدى. وندا قاتىسۋشىلار بپۇ بەلسەندىلىگىن ارتتىرۋ كونتسەپتسياسى مەن وزگە دە ماسەلەلەر بويىنشا ءوز ۇسىنىستارىن جەتكىزەدى.
ەستەرىڭىزگە سالا كەتەيىك, ءدال وسىنداي ءىس-شارالار شىمكەنت پەن قاراعاندى قالالارىندا وتكەن بولاتىن. ءۇش ايماقتىق فورۋم ۇسىنىستار بولاشاق كونتسەپتسيانىڭ نەگىزىنە اينالادى. ونىڭ تۇساۋكەسەرى ۇستىمىزدەگى جىلدىڭ قاراشا ايىندا استانادا وتەتىن رەسپۋبليكالىق بپۇ فورۋمىندا وتەدى. انىقتاما ءۇشىن: قازىرگى كەزدە «نۇر وتان» پارتياسىنىڭ 1 ملن. ادامدى بىرىكتىرەتىن 6 مىڭ بپۇ جۇمىس ىستەيدى. ولاردىڭ جۇمىسىن ۇيىمداستىرۋدا باستى ءرول باستاۋىش ۇيىمداردىڭ باسشىلارىنا جۇكتەلگەن. سوندىقتان بپۇ توراعالارىن وقىتۋعا دەن قويعان. 2017 جانە 2018 جىلدارى بپۇ-لاردىڭ 4 مىڭ توراعالارى ونلاين-وقىتۋ, سەمينار-ترەنينگتەردە ءبىلىم الدى.
