اتاپ وتسەك, ايماقتا 396 جەكەمەنشىك بالاباقشا بار, ياعني مەكتەپكە دەيىنگى ءبىلىم مەكەمەلەرىنىڭ جالپى سانىنىڭ 75 پايىزىن قۇرايدى. بۇل رەسپۋبليكا بويىنشا ەڭ جاقسى كورسەتكىش.
ء«بىز مەملەكەتتىك-جەكەمەنشىك ارىپتەستىك شەڭبەرىندە سالىنعان بىرقاتار بالاباقشالاردىڭ, نىسانداردىڭ جۇمىسىمەن تانىستىق. ارىپتەستەرىمىزبەن بىرگە قىزىلوردا وبلىسىنداعى بۇل تاجىريبەنى ۇزدىك ۇلگى رەتىندە رەسپۋبليكا بويىنشا ەنگىزۋ كەرەك دەپ ويلايمىز», - دەدى بىرعانىم ءايتىموۆا.
قازىرگى تاڭدا مەملەكەتتىك-جەكەمەنشىك ارىپتەستىك اياسىندا وڭىردە 75 جوبا جۇزەگە اسىرىلۋدا. ولاردىڭ 29-ى دەنساۋلىق ساقتاۋ; 12-ءسى دەنە شىنىقتىرۋ جانە سپورت; 10-ى تۇرعىن ءۇي-كوممۋنالدىق شارۋاشىلىق; 8-ءى ءبىلىم بەرۋ; 7-ەۋى تسيفرلاندىرۋ; 5-ەۋى جولاۋشىلار كولىگى جانە اۆتوموبيل جولدارى سالالارىنا تيەسىلى بولسا, ال مادەنيەت, الەۋمەتتىك قامسىزداندىرۋ, قوعامدىق ءتارتىپ جانە ەكولوگيا سالالارىندا 1 جوبادان جۇزەگە اسىرىلۋدا.
ەسكە سالايىق, قىزىلوردا وبلىسىنا قر پارلامەنتى سەناتىنىڭ دەپۋتاتتارى جۇمىس ساپارىمەن كەلگەن بولاتىن. ءىسساپار بارىسىندا ولار سىر وڭىرىندەگى الەۋمەتتىك نىسانداردىڭ جۇمىسىمەن تانىستى. سونداي-اق, سىرداريا, قارماقشى جانە ارال اۋداندارى مەن بايقوڭىر قالاسىنىڭ الەۋمەتتىك-مادەني نىساندارىن ارالايدى.
