شىمكەنت قالاسىنىڭ اكىمى عابيدوللا ءابدىراحىموۆ پەن «سكات» əۋەكومپانياسى» اق پرەزيدەنتى ۆلاديمير دەنيسوۆ قول قويعان مەموراندۋم اياسىندا «شىمكەنت قالاسى əۋەجايىندا جاڭا جولاۋشىلار تەرمينالىنىڭ قۇرىلىسى» جوباسى جۇزەگە اسىرىلاتىن بولادى. قالا اكىمىنىڭ ايتۋىنشا, «سكات» əۋەكومپانياسى» جەكە ينۆەستور رەتىندە جاڭا تەرمينالدى ءوز ەسەبىنەن سالۋعا قىزىعۋشىلىق تانىتىپ وتىر. وسىعان بايلانىستى تەرمينال قۇرىلىسىنا 2,8 گەكتار جەر تەلىمى بولىنگەن.
جاڭا تەرمينال قۇرىلىسى بىرنەشە كەزەڭ بويىنشا جۇرگىزىلمەك. الدىمەن جاڭا تەرمينال سالىنىپ, سودان كەيىن كولەمى 7 گەكتار جەرگە اۋە كەمەلەرىنە ارنالعان پەررون كەڭەيتىلمەك. ينۆەستيتسيا كولەمى 50 ملن اقش دوللارىن قۇرايدى. ال جول قۇرىلىسى جانە ينجەنەرلىك جەلىلەردى قايتا قۇرۋ, اۋەجاي الدىنداعى اۆتوتۇراقتى جانە ۆوكزال الدى الاڭىنىڭ قۇرىلىسىن, اباتتاندىرۋ جۇمىستارى قالا اكىمدىگى تاراپىنان جۇرگىزىلەتىن بولادى. قۇرىلىس جۇمىستارىن 2020 جىلدىڭ العاشقى جارتىجىلدىعىندا اياقتاۋ كوزدەلىپ وتىر.
ەركىن دوسىمباي,
شىمكەنت
