جۇرتشىلىقپەن جۇزدەسۋ جالعاسۋدا

قازاقستان كوممۋنيستىك حالىقتىق پارتياسىنىڭ ساي­لاۋالدى ۇگىت-ناسيحات جۇ­مىس­تارى وڭىرلەردە ودان ءارى كەڭ كولەمدە جالعاسۋدا. كەشە تاراز قالاسىندا قكحپ-نىڭ جامبىل وب­لىستىق سايلاۋالدى شتا­بى­نىڭ تۇساۋكەسەرى ءوت­كى­زىلدى. وسى ءراسىم بارى­سىندا جامبىل وبلىستىق قكحپ شتابى باق وكىل­دە­رىمەن ءباسپاسوز ءماسليحاتىن وتكىزىپ, وبلىستىق شتابتىڭ الدا اتقاراتىن جۇ­مىس­تارى­مەن تانىستىردى. بۇدان بۇرىن حابار­لان­عانىنداي, قازاقستان كوممۋنيستىك حالىقتىق پارتيا­سىنىڭ ارنايى ۇگىت-ناسيحات پويىزى جاساقتالىپ, ەلى­مىز­دىڭ وڭىرلەرىن ارالاۋعا اتتانعان بولاتىن. كەشە وسى پويىز پاۆلودار وبلىسىنىڭ ەلدى مەكەندەرىنە اتباسىن تىرەدى. اتاپ ايتقاندا, پاۆلودار قالاسىنان 20 شاقىرىم جەردە ورنالاسقان قىزىلجار اۋىلىندا بولىپ, قازاقستان كوممۋنيستىك حالىقتىق پار­تيا­سىنىڭ دەپۋتاتتىقتان ءۇمىت­كەرلەرى وسى ەلدى مەكەندەگى قۇس فابريكاسىنىڭ جۇمىسشىلارىمەن كەزدەستى. سونداي-اق ۇگىت-ناسيحات پوي­ىزى قۇرامىنداعى پارتيا ۇگىتشىلەرى پاۆلودار قا­لاسىنداعى «كۆازار» ساۋدا ورتالىعىندا بولىپ, كاسىپ­كەر­لەر جانە تۇتىنۋ­شى­لار­مەن كەزدەسۋ وتكىزدى. پارتيا تاراپىنان دەپۋتاتتىققا ءۇمىت­كەرلەر قالا تۇرعىن­دا­رى­مەن جۇزدەسۋ بارىسىندا وزدەرىنىڭ سايلاۋالدى باع­دار­لامالارىن تىلگە تيەك ەتىپ, الداعى ۋاقىتتا سايلاۋ­شىلار مۇددەسى ءۇشىن جان-جاقتى قىزمەت اتقاراتى­ن­دىق­تارىنا سەنىم ءبىلدىردى. سول كۇنى قازاقستان كوممۋنيستىك حالىقتىق پارتيا ۇگىت­شىلەرى پاۆلودار قالا­سىندا جەرگىلىكتى بۇقارالىق اقپارات قۇرالدارى وكىلدە­رى­مەن كەزدەسىپ, پارتيانىڭ ساي­لاۋالدى تۇعىرناماسى­مەن تانىستىردى. Cايلاۋالدى تۇعىرناما مەن باعدارلامانى استانا­لىقتارعا جەتكىزۋ ءۇشىن رۋپورمەن قارۋلانعان ەكىنشى ۇگىت-ناسيحات توبى تۇسكە دەيىن قالانىڭ باستى كوشە­لەرى­مەن ءجۇرىپ ءوتتى. باستى الاڭداردىڭ ءبىرى – رەسپۋبليكا, جاستار شاعىن اۋدانىن ارالعان حالىقشىل كوممۋنيستەر كەرۋەنى استانانىڭ باستى قاقپاسى – تەمىر جول ۆوكزالىنا سوقتى. جينالعان جۇرتتى پارتيانىڭ تۇعىر­ناماسىمەن تانىستىرىپ, كوممۋنيستەرگە داۋىس بەرۋگە ۇندەگەن ۇگىت-ناسيحات تو­بى بۇدان ءارى جەڭىس, بەيبىتشىلىك جانە جەلتوقسان كو­شەلەرىمەن ءجۇرىپ ءوتتى. قازاقستان كوممۋنيستىك حالىقتىق پارتياسىنىڭ سول­تۇستىك قازاقستان وبلى­سىنداعى ۇگىت جۇرگىزەتىن توپتارى دا ءوز جۇمىستارىن اۋقىمدى كو­لەمدە ۇيىم­داس­تىرۋدا. ولار وبلىس ور­تالىعىنىڭ ءبى­لىم, مادە­نيەت جانە تۇر­مىس­تىق قىز­مەت كورسەتۋ مەكەمەلەرىندە بولىپ, ەڭ­بەك­كەرلەرمەن كەز­دەسۋلەر ءوت­كىزدى. كەشە وبلىستىق شتاب بەلسەندىلەرى جەرگىلىكتى مەرزىمدىك باسىلىم­دار­دىڭ جۋرناليستەرىمەن جۇزدەسىپ, وزدەرىنىڭ سايلاۋ­ال­دى ۇگىت-ناسيحات جۇ­مىس­تا­رىنىڭ بارىسى­مەن تا­نىستىردى. الداعى ۋاقىتتا وب­لىس­تىق شتاب وكىلدەرى اۋىلدىق اۋداندارعا شىعىپ, اۋىل-اۋىلدى ارالاماق. جىلقىباي جاعىپار ۇلى.