قانداستارعا قارىمدى قامقورلىق قاجەت

الداعى سايلاۋ دوداسى الدىنداعى ۇگىت-ناسيحات جۇ­مىستارىنا بەلسەنە كىرىسكەن «رۋحانيات» پارتياسى ءبۇ­گىنگى كۇنگە دەيىن جۇرت­شى­لىقپەن بىرقاتار كەزدەسۋلەر وتكىزىپ ۇلگەرگەنى بەلگىلى. جاقىندا پارتيا اتى­نان پارلامەنت ماجىلىسىنە دەپۋتاتتىقتان ۇمىتكەرلەر اتاجۇرتىنا كەلگەن وتانداس اعايىندارمەن جۇزدەستى. بۇل باسقوسۋعا «رۋحانيات» پار­تياسىنىڭ توراعاسى سەرىكجان مامبەتالين قاتىستى. «رۋحانيات» پارتياسى قو­عامداعى وتكىر تۇرعان ماسە­لەلەردى شەشۋگە مۇددەلى ەكەندىكتەرىن, بۇل رەتتە قان­­داي قادامدارعا بارۋدى كوزدەيتىندىكتەرىن وزدەرىنىڭ سايلاۋالدى تۇعىرناماسى ارقىلى مالىمدەگەن بولاتىن. ماسەلەن, ەلدەگى بارلىق ەنوستىق توپ وكىلدەرىنىڭ تەڭ قۇقىن ساقتاعان قازاق ۇلتتىق مەملەكەتىن قۇرۋ – رۋحانيات­تىقتار تاڭداپ العان باستى باعدار. سايلاۋالدى باع­دار­لا­ما­دا كوزدەلگەن ماسە­لە­لەردىڭ ءبىرى – ورالماندارعا, ورال­مانداردىڭ باسىندا كەزدەسەتىن كۇرمەۋلى, ونىڭ ىشىندە ماتەريالدىق ماسەلەلەردى شەشۋگە, شەت ەلدەردەگى وتان­داستارىمىزدى ەلگە اكەلۋگە دە باعىتتالىپ وتىر. بۇل رەت­تە, سايلاۋالدى تۇعىر­نا­ما­دا: «كورشى ەلدەردەگى ءبىز­دىڭ باۋىرلارىمىز, بىرىنشىدەن, قازاقتىڭ ەجەلگى اتا­قو­نىسىندا وتىرعان جۇرت. كەزىندە پاتشالىق رەسەي مەن كەڭەستەر وداعىنىڭ سولاقاي ساياساتىنىڭ سالدارىنان ولار باسقا ەلدىڭ ازاماتتارىنا اي­نالىپ كەتتى. ەكىنشىدەن, تاعى دا سول پاتشالىق جانە كە­ڭەس­تىك زورلىقشىل ساياسات كەسىرىنەن قازاقستان شەكا­راسىنان سىرتقا اسۋعا ءماج­بۇر بول­عان­دار. ەندى ءبىز تاۋەلسىزدىك الىپ, وتارلىق بۇعاۋدان قۇ­تىل­عاننان كەيىن ولاردىڭ ەلى­مىزگە ورالۋىن قامتا­ما­سىز ەتۋ – ءبىزدىڭ ازاماتتىق مىندەتىمىز!» دەلىنگەن. سونداي-اق, پارتيانىڭ باع­دارلاماسىندا: «مۇنداي ۇدە­رىس­تىڭ قاجەتتىلىگى شەتەلدىك تاجىريبەمەن دە ناقتىلان­عان. ماسەلەن, گەرمانيا, يزرايل, پولشا, رەسەي سەكىلدى ەلدەردە مۇنداي تاجىريبە بار. ەگەر مەملەكەت ءوزىنىڭ قار­جىلىق رەسۋرستارىن دۇ­رىس باعىتقا ءبولىپ تۇراتىن بولسا, ورالمانداردىڭ بار­لىق ماتەريالدىق پروبلە­ما­لارىن شەشۋگە مۇمكىندىگى بار. كۇن ساناپ قىتايعا, ءوز­بەك­كە, موڭعولعا, ورىسقا اي­نا­لىپ بارا جاتقان, قازاق­ستانعا قاراي ۇشارعا قاناتى بولماي وتىرعان 5 ميلليوننان استام باۋىر­لارى­مىزدى 5 جىلدا كو­شىرىپ اكەلۋگە شا­ماسىنىڭ كەلگەنىنشە ات­سالىسۋ ءار قازاقتىڭ پەرزەنتتىك بو­رىشى!» دەپ اتاپ وتىلگەن. قانداستارمەن وتكەن باس­قوسۋ كەزىندە «رۋحانيات» پارتياسى اتىنان پارلامەنت ءماجىلىسى دەپۋتات­تى­عىنان ۇمىتكەر قايرات بوداۋحان ورالمانداردىڭ ءتاۋ­ەلسىز قازاقستاننىڭ ساياسي, قوعامدىق جانە رۋحاني سا­لالارعا قوسقان ۇلەستەرىنە ءتيىستى باعا بەرىلۋى قاجەت­تىگىنە ايرىقشا توقتالىپ ءوتتى. ونىڭ ايتۋىنشا, شەتەل اسىپ, اتاجۇرتىن اڭساپ جەتكەن قانداستارىمىز 20 جىلدىق اسۋدى باعىندى­رىپ ۇلگەرگەن جاس, تاۋەلسىز مەملەكەتتىڭ دامۋىنا, جاندانۋىنا بەلگىلى ءبىر مولشەردە ۇلەس قوسۋدا. ءلايلا ەدىلقىزى.