ال وپەراتيۆتىك جاعداي تۋرالى ءىىد باسشىسىنىڭ ورىنباسارى مارات تولەباەۆ قالادا قاۋىپسىزدىك دەڭگەيى جوعارىلاتىلعانىن ايتا كەتتى. ء«جاسوسپىرىم» جەدەل پروفيلاكتيكالىق شاراسىن وتكىزۋدىڭ ناتيجەسىندە قوعامدىق ورىنداردا جاسالىناتىن قىلمىس سانى ازايعان. سونىمەن بىرگە, «سەرگەك» اپپاراتتىق-باعدارلامالىق كەشەنى اپتاسىنا 19,5 مىڭ قۇقىق بۇزۋشىلىقتى بەلگىلەگەن, ونىڭ 19 185 وڭدەلدى.
قالاداعى اپپاراتتىق-باعدارلامالىق كەشەننىڭ فوتوبەينەتىركەۋ مەن بەينەتالداۋدىڭ جۇمىسى تۋرالى ينۆەستيتسيا جانە كاسىپكەرلىكتى قولداۋ باسقارماسىنىڭ باسشىسى الىشەر ابدىقادىروۆ ايتىپ بەردى. ونىڭ سوزىنشە, «سەرگەك» كامەراسىن ەنگىزۋ قالالىق ورتادا جول-كولىك اپاتىن تومەندەتۋگە سەپ بولعان. ايتالىق, جىل باسىنان بەرى 12 194 جكو تىركەلگەن, بۇل وتكەن جىلمەن سالىستىرعاندا 20% از.
جىلۋ ماۋسىمىنا دايىندىق پەن قاتتى وتىندى ىسكە اسىرۋ بويىنشا وتىن-ەنەرگەتيكالىق كەشەنى مەن كوممۋنالدىق شارۋاشىلىق باسقارماسىنىڭ باسشىسى ەربول تولەۋوۆ باياندادى. ول جىلۋ ماۋسىمىنا دايىندىقتىڭ كەستەگە ساي ءجۇرىپ جاتقاندىعىن حابارلادى. سونداي-اق كومىردى ساتۋدىڭ جوسپارعا ساي ەكەندىگىن, حالىق اراسىندا ايقاي-شۋدىڭ جوقتىعىن جەتكىزدى. وسىعان بايلانىستى اكىم وسى باعىتتاعى جۇمىستاردى جالعاستىرىپ, كومىردىڭ باعاسى شارىقتاپ كەتپەۋىن تاپسىردى.
بۇدان باسقا, اسەت يسەكەشەۆ كوشە شامدارىنىڭ كەش جاناتىنى تۋرالى ەسكەرتۋ جاسادى. ونىڭ ايتۋىنشا كوشە شامدارى بەلگىلەنگەن ۋاقىتتا ەمەس, قاراڭعى تۇسە سالىسىمەن ىسكە قوسىلۋى كەرەك. اكىم بۇعان دا تاپسىرما بەرىپ, كوشەلەردى جارىقتاندىرۋدىڭ كەستەسىن قايتا قاراۋدى جانە قاجەتتىلىك بولعان جاعدايدا ىسكە قوسۋ كەرەكتىگىن ايتتى.
