وسىلايشا جاڭا وقۋ جىلىن 270 وقۋشىمەن باستاعان وقۋ ورنى ەرەكشە قۋانىشقا بولەندى. بۇل مەكتەپ اۋدانداعى مەكتەپتەر قاتارىندا ءبىلىم جاعىنان بولسا دا, تاربيەلىك ءىس-شارالار باعىتىنان بولسا دا الدىڭعى ورىندا.
وتكەن وقۋ جىلىنان باستاپ مەكتەپتە ء«ابىش وقۋلارى» اۋداندىق جاستار بايقاۋى جانە ء«ابىش الەمى» اتتى جاس اقىندار ءمۇشايراسى ۇيىمداستىرىلىپ كەلەدى. مەكتەپتىڭ جابدىقتالۋى زامانا تالابىنا ساي نەگىزدەلگەن. مەكتەپتە «تۇڭعىش پرەزيدەنت» كابينەتى, ء«ابىش كەكىلباەۆ كىتاپحاناسى» سياقتى ورتالىقتار جۇمىس جاسايدى.
بۇل مەكتەپتىڭ سىرتقى جانە ىشكى كورىنىسى ۇلىبريتانيا مەكتەپتەرىنىڭ قۇرىلىسى جۇيەسىنە ۇقساتىلىپ جاسالعان. مەكتەپتەگى ءبىلىم بەرۋ جۇيەسى دە ساپالى دەڭگەيدە. وتكەن جىلى ءۇش وقۋشى, بيىعى جىلى بەس وقۋشى «التىن بەلگى» يەگەرى اتاندى. جاستاردىڭ وقۋعا قۇشتارلىعى دا ەرەكشە. مەكتەپ كىتاپحاناسىندا ء«ابىش شىعارمالارى» بۇرىشى جاساقتالعان. ءابىش كەكىلباەۆتىڭ ءۇش تىلدە جازىلعان كىتاپتارى مەكتەپ تورىنەن ورىن الدى.
ء«بىزدىڭ مەكتەپتىڭ وقۋشىلارىنىڭ ءبىر ارتىقشىلىعى, كەز كەلگەن وقۋشىدان ءابىش اتامىزدىڭ كەز كەلگەن شىعارماسىن وقىپ بەر دەسە, ءبارى دە توقتاماستان ايتىپ بەرەدى. سونداي-اق مەكتەپتەگى ءار كابينەتتە ءابىش اتانىڭ شىعارمالارى مەن ەڭبەكتەرى تۋرالى مالىمەتتەر توپتاستىرىلعان. كەلەر جىلى ءابىش اتامىزدىڭ 80 جىلدىعىنا دا كوپتەگەن ءىس-شارلار جوسپارلاپ وتىرمىز. سونىڭ ءبىرى – ءابىش اتانىڭ ەڭسەلى ەسكەرتكىشىن قويۋ. بۇل ەسكەرتكىش ابىشكە عانا ەمەس ادەبيەتكە قويىلعان ەسكەرتكىش بولادى دەپ ويلايمىن», دەيدى مەكتەپ باسشىسى مىڭبەرگەن قاراتاۋوۆ.
اللابەرگەن قونارباەۆ,
ماڭعىستاۋ وبلىسى,
ماڭعىستاۋ اۋدانى
