باقىتجان ساعىنتاەۆتىڭ ايتۋىنشا, تسيفرلىق ەفيرلىك تەلەراديو حابارلارىن تاراتۋعا كوشۋدىڭ ماڭىزى وتە زور. ءارى ءىرى الەۋمەتتىك جوبا. سوندىقتان, وعان ۇيلەستىرىلگەن تۇردەگى جۇمىس پەن جان-جاقتى دەڭگەيدەگى ءارى تۇراقتى مونيتورينگ جۇرگىزۋ قاجەت. اقپارات جانە بايلانىس مينيسترلىگى وسىعان بايلانىستى وڭىرلەرمەن بىرلەسە وتىرىپ تسيفرلىق ەفيرلىك تەلەراديو حابارلارىن تاراتۋعا كوشۋدى ۋاقىتىلى وتكىزۋدى قامتاماسىز ەتۋى ءتيىس.
تسيفرلىق ەفيرلىك تەلەراديو حابارلارىن تاراتۋعا كوشۋ تۋرالى ەسەپ بەرگەن اقپارات جانە كوممۋنيكاتسيالار ءمينيسترى داۋرەن اباەۆ وسى جوبانى ەنگىزۋ ارقىلى حالىقتىڭ باسىم بولىگى, ونىڭ ىشىندە اۋداندار مەن قالالاردان الىس ەلدى-مەكەندەردىڭ تۇرعىندارى جوعارى دەڭگەيدەگى دىبىس جانە بەينە, سونداي-اق تەلەارنالاردىڭ سانىن اجەپتاۋىر كوبەيتۋگە قول جەتكىزۋگە بولاتىنىن اتاپ ءوتتى. وسى ستاندارتقا تولىق اۋىسساق قازاقستاندىقتار وبلىس ورتالىقتارى دەڭگەيىندە 30-عا جۋىق تەلەارنانى, اۋىل جانە اۋدان ورتالىقتارىندا 15-كە جۋىق وتاندىق تەلەارنانى تسيفرلىق ساپادا تاماشالاي الادى. ياعني وتاندىق ارنالار ارقىلى حالىق وزدەرىنە قاجەتتى اقپارات پەن باعدارلامالارعا قول جەتكىزەدى. وتاندىق پاكەتتە جاڭالىق, بالالارعا ارنالعان, مادەنيەت, كينو, سپورت سياقتى ءتۇرلى ارنالار بولادى.
تاعى ءبىر ارتىقشىلىق: تسيفرلىق حابار تاراتۋعا كوشكەن جاعدايدا راديوجيىلىكتەر دە بوسايدى. وسىلايشا بوساعان جيىلىكتەردى ءبىز بايلانىس سالاسىنداعى جاڭا تەحنولوگيالاردى دامىتۋعا پايدالانۋ مۇمكىندىگىن قاراستىرىپ وتىرمىز. ول ءۇشىن بايلانىس وپەراتورلارىمەن جان-جاقتى جۇمىس جۇرگىزەمىز. وتكەن جىلى ءبىزدىڭ مينيسترلىك «تەلەراديو حابارلارىن تاراتۋ» زاڭىنا وزگەرىستەر ەنگىزدى. وسىلايشا ولاردىڭ ينفراقۇرىلىمدارىنىڭ دايىندىعىنا ساي ايماقتاردى كەزەڭ-كەزەڭىمەن كوشىرۋگە جول اشتى.
ەلىمىز بويىنشا راديوتەلەۆيزيالىق ستانتسيالاردىڭ جالپى سانى 827-ءنى قۇرايدى. بۇگىنگى كۇنى 356-سى دايىن.جىلدىڭ اياعىنا دەيىن تاعى 200-گە جۋىعىناياقتاۋ جوسپارلانىپ وتىر. قالعان ستانتسيالاردىڭ قۇرىلىسى 2019-2020 جىلداردىڭ ىشىندە تولىق اياقتالادى.
بيىلعى جىلدىڭ سوڭىنا دەيىن تسيفرلىق حابار تاراتۋعا كوشۋى جوسپارلانعان ايماقتار بويىنشا ماڭعىستاۋ, جامبىل وبلىسىندا جانە تۇركىستان وبلىسى مەن شىمكەنت قالاسىندا ءتيىستى ستانتسيالار سالىنىپ, حالىقتىڭ 99%-ءى تولىق قامتىلدى. اتالعان ايماقتاردا حالىقتى قاجەتتى قابىلداعىشپەن قامتاماسىز ەتۋ جانە اقپاراتتىق حابارلاندىرۋ بويىنشا جۇمىس جۇرگىزىلىپ جاتىر. وسىلايشا 2021 جىلى وسى جۇمىستى تولىق اياقتاۋ جوسپارلانعان.
«قازاقتەلەراديو» اق باسقارما توراعاسى ەسكەندىر تاجىبەكوۆ, ءوز كەزەگىندە, قازاقستاننىڭ تسيفرلىق تەحنولوگيالارعا كوشىپ, اقپاراتتىق تەڭسىزدىكتى تومەندەتۋ جونىندەگى مەملەكەتتىك باعدارلامانى ىسكە اسىرۋ اياسىندا 2010 جىلى جەرسەرىكتىك حابار تاراتۋ جەلىسى جاڭعىرتىلعانىن ايتىپ ءوتتى. ۇلتتىق جەرسەرىكتىك تەلەحابار تاراتۋ رەسپۋبليكا اۋماعىن 100% قامتۋدى قامتاماسىز ەتەدى, بۇل جاعداي حالىققا وتاندىق ارنالاردى جاقسى ساپادا كەز كەلگەن ەلدى مەكەندە كورۋگە مۇمكىندىك بەرەدى. وتAU TV برەندىمەن جەرسەرىكتىك تەلەراديو حابارلارىن تاراتۋ ابونەنتتەرىنىڭ سانى 2010 جىلى 6300-دەن 1,36 ملن دەيىن ۇلعايدى. ەلىمىزدىڭ 4 ملن-نان استام تۇرعىنى ۇلتتىق جەرسەرىكتىك تەلەحابار كورەدى. سونىمەن قاتار, ستاتيستيكالىق دەرەكتەرگە سايكەس, ابونەنتتەردىڭ 74% اۋىلدى ەلدى مەكەندەردىڭ تۇرعىندارى.
كەلەسى قادام DVB-S2 زاماناۋي ستاندارتىنداعى تسيفرلىق ەفيرلىك تەلەحابار تاراتۋدى ەنگىزۋ بولدى. 2021 جىلعا قاراي 95% استام حالىقتى قامتۋعا مۇمكىندىك بەرەتىن 827 ستانتسيانى كەزەڭ-كەزەڭىمەن سالۋ جۇمىستارى جۇرگىزىلىپ جاتىر.
سونداي-اق, وتىرىس بارىسىندا جىل سوڭىندا تسيفرلىق تەلە حابار تاراتۋ جەلىسى ىسكە قوسىلاتىن وڭىرلەردىڭ اكىمدەرى: جامبىل وبلىسىنىڭ اكىمى ا. مىرزاحمەتوۆ, تۇركىستان وبلىسىنىڭ اكىمى ج. تۇيمەباەۆ بايانداما جاسادى.
