يگى تىلەكتەر ءۇشىن شەكسىز ريزاشىلىق

مەملەكەت باسشىسى نۇرسۇلتان نازارباەۆتىڭ اتى­­نا قازاقستان تاۋەلسىزدىگىنىڭ 20 جىلدىق مە­رەي­توي­ىنا بايلانىستى قۇتتىقتاۋ حاتتارى مەن جە­دەل­حاتتار لەگى تولاسسىز كەلۋدە, دەپ حابارلادى قازاق­ستان رەسپۋبليكاسى پرەزيدەنتىنىڭ ءباسپاسوز قىزمەتى. اۆتورلاردىڭ اراسىندا ۇلتتىق كومپانيالاردىڭ, كاسىپورىندار مەن مەكەمەلەردىڭ, ءارتۇرلى وقۋ ورىندارىنىڭ ەڭبەك ۇجىمدارى, ەتنومادەني بىرلەستىكتەر مەن قوعامدىق ۇيىمداردىڭ جەتەكشىلەرى, مادەنيەت پەن عىلىم قايراتكەرلەرى, كاسىپكەرلەر, ارداگەرلەر, ەلىمىزدىڭ جۇرتشىلىق وكىلدەرى مەن جەكەلەگەن قازاقستاندىقتار بار. ەلىمىزدىڭ پرەزيدەنتى مەن قازاقستان حالقىن الەمنىڭ بارلىق ەلدەرىنەن مەملەكەت جانە ۇكىمەت باسشىلارى, حالىقارالىق ۇيىمداردىڭ جەتەكشىلەرى, الەمگە بەلگىلى ساياساتكەرلەر, عالىمدار, بيزنەسمەندەر, تاياۋ جانە الىس شەت ەلدەردىڭ قاراپايىم ازاماتتارى قۇتتىقتادى. قۇتتىقتاۋ حاتتارىندا قازاقستاننىڭ 20 جىل ارالى­عىنداعى تاۋەلسىز دامۋىندا قول جەتكىزگەن زور جەتىستىكتەرى ايتىلىپ, پرەزيدەنت نۇرسۇلتان نازارباەۆتىڭ تاۋەلسىز قازاقستاندى قۇرۋداعى جانە تابىستى دامىتۋداعى, وڭىردە بەيبىتشىلىك پەن تۇراقتىلىقتى, سونداي-اق جاhاندىق قاۋىپسىزدىكتى نىعايتۋداعى تاريحي ءرولى اتاپ كورسەتىلگەن. مەملەكەت باسشىسى نۇرسۇلتان نازارباەۆ ءوز اتىنا كەلىپ تۇسكەن قۇتتىقتاۋلارمەن تانىسىپ, مەملەكەت جانە حالىقارالىق ۇيىمداردىڭ بارلىق باسشىلارىنا, قا­زاق­ستاننىڭ شەتەلدەگى دوستارىنا جانە بارشا قازاق­ستان­دىق­تارعا ولاردىڭ جوعارى باعاسى, جۇرەكجاردى قۇت­تىقتاۋلارى مەن قازاقستان حالقىنا اماندىق تىلەگەن يگى تىلەكتەرى ءۇشىن شەكسىز ريزاشىلىعىن بىلدىرەدى.