اتالعان كينوتۋىندى ءبىر-بىرىنە مۇلدەم ۇقسامايتىن, الايدا تاعدىرلارى كەزدەيسوق توعىستىرعان جاسوسپىرىمدەر تۋرالى باياندايدى. وتباسى جىلۋى مەن جاقىندارىنىڭ قولداۋىنان ايىرىلعان, ءتىپتى قوعاممەن دە ءتىل تابىسا الماي جۇرگەن ولار باستارىن قاۋىپكە تىگەدى.
«وسىنداي مادەني ءىس-شارالار شىعارماشىلىعىڭدى ارتتىرۋعا, جالپى ەلىمىزدەگى كينو ءوندىرىسىن دامۋتىعا سەپتىگىن تيگىزەدى. «كينوشوك» سىندى حالىقارالىق دەڭگەيدەگى فەستيۆالدەر بارىسىندا ءتۇرلى ەلدەن جينالاتىن كينوگەرلەر ءبىر-بىرىمەن تانىسۋعا, ءوز جۇمىستارىن كورسەتۋگە, تاجىريبيە الماسۋعا, سونداي-اق بىرلەسىپ جۇمىس جاساۋعا كەڭ مۇمكىندىك الادى. وسىنداي بايقاۋلاردىڭ ارقاسىندا جاڭا ەسىمدەر دە پايدا بولادى. ەڭ باستىسى, فەستيۆال قاتىسۋشىلارى ءتۇرلى ەلدەن كەلسە دە, ءبىر-ءبىرىن وڭاي تۇسىنەدى. ويتكەن ولاردىڭ ءتىلى ورتاق, ول – كينو ءتىلى», - دەدى جاس رەجيسسەر الديار بايراكيموۆ.
«نا گراني» ءفيلمىنىڭ «كينوشوك» فەستيۆالىنە قاتىسۋى تۋرالى بايقاۋدىڭ ۇيىمداستىرۋشىلارى «بۇل كارتينا ىرىكتەۋ كوميسسياسىنىڭ شەشىمى بويىنشا قازاقستان كينو ءوندىرىسىن تانىستىرا الاتىن ۇزدىك فيلمدەردىڭ ءبىرى», دەپ وي ءبولىستى.
1992 جىلى اشىلىپ, بۇرىنعى وداقتاس رەسپۋبليكالاردىڭ كينوگەرلەرىن باسىن قوسىپ, مادەني بايلانىستاردىڭ نىعايۋىنا باعىتتالعان «كينوشوك» اشىق كينوفەستيۆالى 20 جىل كولەمىندە كورەرمەندەردى ليتۆا, لاتۆيا, ەستونيا جانە تمد ەلدەرىنىڭ كينولارىمەن تانىستىرىپ كەلەدى. فەستيۆال شەڭبەرىندە تولىقمەتراجدى جانە قىسقامەتراجدى كوركەم فيلمدەر, دەرەكتى, تەلەۆيزيالىق جانە بالالارعا ارنالعان فيلمدەر كورسەتىلەدى. تولىقمەتراجدى جانە قىسقامەتراجدى, سونداي-اق دەرەكتى فيلمدەردى كاسىبي قازىلار القاسى باعالايدى.
تەلەۆيزيالىق فيلمدەردىڭ ۇزدىگىن كورەرمەندەر, ال بالالارعا ارنالعان فيلمدەر بايقاۋىندا («كينومالىشوك») جاسوسپىرىمدەردەن قۇرالعان قازىلار القاسى جەڭىمپازداردى انىقتايتىن بولادى. جالپى فەستيۆال بارىسىندا 70-كە جۋىق فيلمدەر كورسەتىلەدى.
