ەلباسى قابىلدادى

كەشە مەملەكەت باسشىسى نۇرسۇلتان نازارباەۆ مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ءا. بايمەنوۆ پرەزيدەنتكە اگەنتتىك پەن ونىڭ اۋماقتىق باسقارمالارىنىڭ 2011 جىلى اتقارعان جۇمىس ناتيجەلەرى, اگەنتتىكتىڭ جۇمىسىن جەتىلدىرۋ جونىندە جوسپارلانعان شارالار, قازاقستان رەس­پۋبليكاسىنىڭ مەملەكەتتىك قىزمەتكە قا­تىستى زاڭناماسىنا ەنگىزىلەتىن وزگە­رىس­تەر مەن تولىقتىرۋلار جانە مەملەكەتتىك قىزمەتتىڭ جاڭا مودەلىنىڭ تۇجى­رىمداماسىن ىسكە اسىرۋ شەڭبەرىندەگى باسقا ماسەلەلەر, سونداي-اق قازاقستاندا مەملەكەتتىك قىزمەتتى ودان ءارى رەفورمالاۋ ماسەلەسىندە حالىقارالىق ىنتى­ماق­تاستىق تۋرالى حابارلادى. مەملەكەت باسشىسى مەملەكەتتىك قىز­مەت ىستەرى اگەنتتىگىنىڭ قىزمەت تيىمدىلىگىن جەتىلدىرۋ جانە مەملەكەتتىك قىز­مەتتىڭ جاڭا مودەلىنىڭ تۇجىرىم­دا­ماسىن ىسكە اسىرۋ ماسەلەلەرى جونىندە بىرقاتار ناقتى تاپسىرمالار بەردى. – تاۋەلسىزدىكتىڭ 20 جىلى ارالى­عىن­دا قازاقستاندا مەملەكەتتىك قىزمەت مودەلى حالىقارالىق تانىلعان دەڭگەيدە قالىپتاستى. بۇكىلالەمدىك بانك قا­زاق­ستاندى مەملەكەتتىك قىزمەت سالاسىندا رەفورمالار جۇرگىزۋ جونىندەگى وڭىرلىك كوشباسشى رەتىندە تانىدى. بۇۇ دامۋ باعدارلاماسى قازاقستاندى تمد ەلدەرى بويىنشا وڭىرلىك حاب قۇرۋدى جانە مەملەكەتتىك قىزمەتتىڭ قازاقستاندىق جۇيە­سىن مودەل رەتىندە پايدالانۋدى ۇسىن­دى. سونداي-اق بۇل حالىقارالىق ۇيىم استانادا 2013 جىلى مەملەكەتتىك قىز­مەتتى جاڭعىرتۋ جونىندە جاhاندىق كونفەرەنتسيا ۇيىمداستىرۋدى ۇسىنىپ وتىر. ءسىز بەكىتكەن مەملەكەتتىك قىزمەت­تىڭ جاڭا مودەلىنىڭ تۇجىرىمداماسى مەم­لەكەتتىك قىزمەتتى رەفورمالاۋدىڭ جانە جاڭعىرتۋدىڭ جاڭا كەزەڭىنىڭ باس­تالۋى بولىپ تابىلادى, – دەدى ءا.بايمەنوۆ. – جاڭا تۇجىرىمداما تولىققاندى جانە دەر كەزىندە ەنگىزىلۋى قاجەت. مەملەكەتتىك قىزمەتشىلەر حالىققا جاقىن بولۋلارى ءتيىس. مەن كەشە ماڭعىستاۋدا بولدىم. كەيبىر مەملەكەتتىك قىزمەتشى­لەر­دىڭ ادامداردىڭ پىكىرلەرىن تىڭدا­ماۋى سالدارىنان ول جەردە سونداي ماسەلە تۋىنداعان. جەرگىلىكتى اتقارۋشى ورگاندار دەڭگەيىندە دە, وبلىستىق اكىم­دىكتەر دەڭگەيىندە دە مەملەكەتتىك قىز­مەت جۇيەسىندە مونيتورينگ جۇرگىزۋ قا­جەت. قازاقستاندىق مەملەكەتتىك قىزمەت­شى­لەر ءوز حالقىمىزدىڭ يگىلىگى ءۇشىن جۇمىس ىستەۋلەرى ءتيىس, – دەپ اتاپ ءوتتى پرەزيدەنت.