دانيار تاۋمۇرات 1982 جىلى دۇنيەگە كەلگەن. قازاق گۋمانيتارلىق-زاڭ ۋنيۆەرسيتەتىن, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن تامامداعان. سونداي-اق لوندون ەكونوميكا جانە ساياسي عىلىمدار مەكتەبىنىڭ تۇلەگى, «بولاشاق» حالىقارالىق باعدارلاماسىنىڭ ستيپەندياتى.
2003 جىلدان بەرى مەملەكەتتىك قىزمەتتە جۇمىس ىستەيدى. 2014-2015 جىلدارى قر مادەنيەت مينيسترلىگى قوعامدىق-ساياسي جۇمىستار كوميتەتىن باسقارعان. 2015 جىلدان وسى ۋاقىتقا دەيىن سىبايلاس جەمقورلىققا قارسى ءىس-قيمىل ۇلتتىق بيۋروسىندا, سونداي-اق مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ورتالىق اپپاراتىندا جۇمىس ىستەدى. وسى تاعايىنداۋعا دەيىن قر مەملەكەتتىك قىزمەت ىستەرى اگەنتتىگىندە دەپارتامەنت باسشىسى بولدى.
دانيار تاۋمۇراتتى تانىستىرعان اگەنتتىك اپپاراتىنىڭ باسشىسى سايان احمەتجانوۆ ورتالىق اپپاراتتاعى تاجىريبەنى وڭىرلەرمەن ءبولىسۋ ماڭىزدىلىعىن اتاپ ءوتتى.
«ورتالىق-ءوڭىر» قاعيداسى بويىنشا جۇزەگە اسىپ وتىرعان وسى كادرلىق الماستىرۋ وڭىرلىك ورگانداردى نىعايتۋعا مۇمكىندىك بەرەدى», - دەدى سايان احمەتجانوۆ.
اگەنتتىكتىڭ الماتى قالاسى بويىنشا اۋماقتىق دەپارتامەنتىن بۇدان بۇرىن باسقارعان ايگۇل بايحانوۆا قر پرەزيدەنتى جانىنداعى مەملەكەتتىك باسقارۋ اكادەمياسىنا وقۋعا ءتۇستى.
