وتىمدىلىكتى بەرۋ مەن الۋ وپەراتسيالارى بويىنشا مولشەرلەمەلەر تيىسىنشە 10% جانە 8% دەڭگەيلەردە ساقتالدى. بۇل تۋرالى بۇگىن قازاقستان ۇلتتىق بانكىنىڭ توراعاسى دانيار اقىشەۆ الماتى قالاسىندا وتكەن تەلەۆيزيالىق باق وكىلدەرىنە ارنالعان بريفينگىدە ءسوز سويلەگەن كەزدە حابارلادى. ول رەسمي قايتا قارجىلاندىرۋ مولشەرلەمەسىنىڭ دە بازالىق مولشەرلەمە – 9 % دەڭگەيىندە ساقتالعانىن اتاپ ءوتتى. «جاڭارتىلعان بولجامدارعا سايكەس, ءبىز ينفلياتسيانىڭ تومەندەۋ قارقىندارىنىڭ باياۋلاۋ تاۋەكەلدەرىن كورىپ وتىرمىز, ياعني ينفلياتسيا باياۋلايدى, بىراق ءبىز بۇرىن باعالاعانننان گورى باياۋ. اعىمداعى جىلى ءوزىنىڭ قالپىنا كەلۋىن جالعاستىراتىن ىشكى سۇرانىس جانە تۇتاستاي العاندا الەمدىك ەكونوميكا كورسەتكىشتەرىنىڭ تاراپىنان پروينفلياتسيالىق قىسىم كۇشەيۋدە», - دەدى د. اقىشەۆ.
وسىلايشا, قازاقستان ۇلتتىق بانكى باسشىسىنىڭ ايتۋىنشا, ينفلياتسيانىڭ 2019 جىلى 4-6%-دىق بولجامدى ءدالىزدىڭ جوعارى شەگىنە جاقىن بولۋى جانە 2020 جىلدىڭ سوڭىندا 4%-دان تومەن دالىزدەن اسىپ كەتۋ تاۋەكەلدەرى ۇلعايۋدا. بازالىق مولشەرلەمە بويىنشا كەزەكتى شەشىم 2018 جىلعى 15 قازاندا استانا ۋاقىتى بويىنشا ساعات 17:00 جاريالاناتىن بولادى.
