- جىل سايىن مۇنداي دەپوزيتتەر كۇزدە, بالالار مەكتەپكە بارعاندا كەزدە ەڭ ءجيى اشىلادى. ءدال وسى ۋاقىتتا اتا-انالار ۇل-قىزدارىنىڭ ءوسىپ كەلە جاتقانىن تۇسىنە وتىرىپ, ولاردىڭ بولاشاعىنا قارجىلاي كومەك كورسەتۋدى قولعا الادى. اي سايىن تۇرعىن ءۇي قۇرىلىس جيناق بانكىندەگى دەپوزيتكە از-ازدان اقشا سالىپ وتىرادى. وتباسىلىق بيۋدجەتكە بۇل اسا قاتتى اسەر ەتە قويمايدى, ەسەسىنە كەيىن بالاعا باسپانا الىپ بەرۋ مۇمكىندىگى پايدا بولادى. مەن 6 جاستاعى بالاسىنىڭ شوتىندا 10,3 ملن تەڭگەنىڭ باسىن قۇراعان جانە ارى قاراي اقشا جيناپ جاتقان اتا-انانى بىلەمىن. بانك تە دەپوزيتتەگى سوماعا جىل سايىنعى مەملەكەت سىيلىقاقىسىن جانە بانك سىياقىسىن اۋدارىپ, ءتيىمدى قولداۋىن كورسەتىپ وتىر. وسى ەكى بونۋستى قوسقاندا, سالىم بويىنشا جىلدىق ءتيىمدى مولشەرلەمە 13,3%-عا دەيىن بارادى, - دەپ ءتۇسىندىردى تۇرعىن ءۇي قۇرىلىس جيناق بانكى باسقارما ءتورايىمى ءلاززات يبراگيموۆا.
18 جاسقا تولعان بارلىق بانك سالىمشىلارى تاعى ءبىر ءتيىمدى ۇسىنىسقا قول جەتكىزەدى, اتاپ ايتقاندا جىلدىق مولشەرلەمەسى 3,5-5% ارالىعىنداعى تۇرعىن ءۇي زايمىنان ۇمىتكەر بولا الادى.
دەپوزيتتى بالانىڭ اتىنا كەز كەلگەن جەردە, كەز كەلگەن ۋاقىتتا اشۋعا بولادى. ول ءۇشىن بانك كەڭەسشىسىن شاقىرۋ مۇمكىندىگى قاراستىرىلعان. دەپوزيت اشۋ ءۇشىن اتا-انانىڭ ءبىرىنىڭ جەكە كۋالىگى مەن بالانىڭ تۋ تۋرالى كۋالىگى قاجەت.
14 جاسقا دەيىن بالانىڭ اتىنا دەپوزيتتى اتا-انا رەسىمدەيدى. 14 جاستان باستاپ شوتتى بالانىڭ ءوزى اشادى, تەك اكەسىنىڭ نەمەسە اناسىنىڭ كەلىسىمى قاجەت.
