جاڭاوزەن جاڭا ءومىردى باستادى

ارشىنداپ العا با­سۋ­دىڭ قۋانىشىن كوتەرە ال­مايتىندار دا بولادى. ەل­باسى نۇرسۇلتان نازار­باەۆتىڭ جاڭاوزەنگە سا­پارىندا ايتقان سوزدەرى­نەن وسىنى ۇعامىز. قازىر اقىل مەن پاراساتتىڭ سى­نالار شاعى تۋعانداي. مەن قا­زاقستان تاۋەلسىزدىگىنىڭ تۇعىرىن بيىكتەتكەن ازاماتتاردىڭ تەرەڭ ويلايتىنىنا, وپىق جەگىزەر ءىستىڭ استارىنا تەرەڭ بويلايتىنىنا سەنەمىن. ولاي بولماۋى مۇمكىن دە ەمەس. قاستەرلى وتانىمىزدىڭ اسىل مۇراتتارى قاعىس قادام­داردى كوتەرمەيدى. وقىس وقيعانىڭ ءتيىستى باعاسى بەرىلىپ تە جاتىر. وبلىس اكىمى مەن مۇناي كومپانيالارىنىڭ باسشىلىعىنا جاڭا ازاماتتاردىڭ كەلۋى اششى ساباقتىڭ قايتارىمى بولعانداي. ءبىزدىڭ قاسيەتتى وتانىمىزدا حالىقتىڭ ارمان-تىلەگى مەن رۋح  قاينارلارىن اياقاستى قىلۋعا ەشكىمنىڭ حاقىسى جوق. ەلبا­سى­مىز كيكىلجىڭنىڭ سەبەپ-سالدا­رى­نىڭ باسىن اشىپ كورسەتتى. شۇ­عىل شارالار قولدانى­لىپ جاتىر. قالا­نىڭ قايتا قال­پىنا كەلۋىنە بۇكىل قا­زاقستاندىقتار قول ۇشىن بەرۋدە. ءبىزدى ايرىقشا قۋان­ت­قان­دى, جۇ­مىس­­تان شى­عارىل­عان جاستار­دىڭ قاي­تادان ەڭبەك ۇجىم­دا­رى­نا ورالاتىن­دى­عى. حالقىمىز «اداس­قاننىڭ ايىبى جوق, قايتا اي­نالىپ قازىعىن تاپسا» دەيدى. جۇرەگى جارالانعان زامان­داستارىم سانا سىلكىنىسىنەن ءوتتى, تۋعان ەلىنىڭ قىمبات قاسيەت­تەرىن شىنداپ سەزىنگەنى انىق. جاپپاي جازالاۋعا جول بەرمەگەن, وقي­عانىڭ ءتۇپ-تامىرىن ساراپتاپ سارالاعان پرەزيدەنتىمىزگە ري­زامىز. بۇكىل قازاقستان جاستارى ەلدىڭ, ەلباسىنىڭ سەنىمىن ابى­رويمەن اقتايتىنى داۋسىز. بەيبىتشىلىك, ىنتىماق, بەرەكە ەلىندە كوك بايراعىمىز بيىكتەي بەرسىن. ءلاززات قونارباەۆا, رودينا اۋىلدىق وكرۋگىنىڭ اكىمى. اقمولا وبلىسى, تسەلينوگراد اۋدانى.