ابدىراعان كوڭىلگە سەنىم ۇيالاتتى

مەملەكەت باسشىسى نۇرسۇلتان نازارباەۆتىڭ ماڭعىستاۋ وبلى­سىنا ارنايى بارىپ, جاڭاوزەن قالاسىندا ورىن العان وقيعانىڭ جاي-جاپسارىمەن كەڭىرەك تانى­سۋىن وتە ورىندى دەپ ەسەپتەيمىن. ويتكەنى, مايلى قيان اتانعان ماڭ­عىستاۋ وبلىسىنداعى مۇنايشىلار مەن جۇمىس بەرۋشى كومپانيالار اراسىنداعى ەڭبەك داۋى ابدەن شا­رىقتاۋ شەگىنە جەتتى. بۇل ماسەلەنى جۇمىس بەرۋشىلەر وزدىگىنەن وڭ­تاي­لى شەشۋگە  ق ۇلىقتى بولمادى, نە قاۋقارى جەتپەدى. ءتىپتى ۇكى­مەت باسشىسى بۇل ماسەلەنىڭ سەبەبى مەن سالدارىن جەتە زەرتتەپ, وڭ شەشۋگە تالپىنىس جاسا­عاندا, بالكىم, جاڭاوزەن وقي­عاسىنىڭ الدى الىنار ەدى. ادامداردىڭ قازا تابۋىنا, جاراقات الۋىنا جول بەرىلمەگەن بولار ەدى. وركەنيەتتى ەلدەردىڭ كۇندەلىكتى تىنىس-تىرشىلىگىنە ءجىتى باقىلاۋ جاساعان ادامدار  كوپتەگەن  ەلدەردە مۇنداي ەڭبەك داۋلارى مەملەكەت باسشىسىنىڭ ارالاسۋىنسىز شەشىمىن تاۋىپ جاتاتىنىن ەستىپ تە, وقىپ تا ءجۇرمىز. بىزدە دە وسىن­داي ءۇردىس قالىپتاستىرۋعا بولا­تىنىن تۇسىنەتىن كەز جەتتى ەمەس پە؟ مىندەتتى تۇردە ەلباسىنىڭ ارالاسۋىن كۇتىپ وتىرا بەرۋگە بولا ما؟ مەملەكەت باسشىسىنىڭ ارقالاعان جۇگى دە اۋىر, اتقارار قىزمەتىنىڭ اۋقىمى دا كەڭ. الايدا, ەلى سايلاعان, ەلىن سىيلاعان تۇڭعىش پرەزيدەنتىمىز نۇرسۇلتان نازارباەۆ بۇل ءتيىستى ۇكىمەتتىڭ, مينيسترلىكتەر مەن كومپانيا­لار­دىڭ اينالىساتىن شارۋاسى دەگەن جوق. بار جۇمىسىن ىسىرىپ قوي­ىپ, ماڭعىستاۋعا, ودان ءارى جاڭاوزەنگە ءوزى باردى. – ۇكىمەت, «سامۇرىق-قازىنا» قورى, «قازمۇنايگاز» كومپانياسى ەڭبەك داۋىن دەر كەزىندە شەشۋ جونىندەگى مەنىڭ تاپسىرمامدى ورىنداماعان. وكىنىشكە وراي, ولار بۇل ماسەلەنى شەشۋگە قابىلەتسىز بولىپ شىقتى. ۇلتتىق كومپانيا مەن ونىڭ ەنشىلەس قۇرىلىمدارى­نىڭ باسشىلارى اراسىندا كەز­دەي­سوق ادامدار كوپ بولىپ شىقتى. مۇنىڭ ءبارى مەنەدجمەنت ءتيىم­دىلىگىنىڭ تومەندەۋىنە اكەلىپ سوق­تى. قازاقستاندىقتاردىڭ بىرلىگى­نىڭ, ءبىرىزدى جۇرگىزىلگەن الەۋ­مەتتىك-ەكونوميكالىق ساياساتتىڭ ار­قاسىندا, جاڭاوزەندە قالىپتى ءومىردى قالپىنا كەلتىرۋ ءۇشىن بىزدە بارلىق قاجەتتى جۇمىستاردى با­رىنشا قىسقا مەرزىمدە جۇزەگە اسىرۋ ءۇشىن بارلىق مۇمكىندىكتەر بار. وسىعان بايلانىستى مەملەكەتتىك ورگاندارعا بىرلەسكەن جانە ۇيلەستىرىلگەن جۇمىستاردى ۇي­ىمداستىرۋدى تاپسىرامىن. بار­لىق ءىس جىلدام جانە بارىنشا قىسقا مەرزىمدە جۇرگىزىلۋى ءتيىس. مەن ونىڭ جۇزەگە اسىرىلۋ بارى­سىن جەكە باقىلاۋىمدا ۇستايمىن. جۇمىستان بوساتىلعان 1800 قىز­مەتكەردىڭ پروبلەماسىن شەشۋ جانە قىسقا مەرزىمنىڭ ىشىندە ولار­دى جۇمىسقا ورنالاستىرۋ ءجو­نىندە قاجەتتى شارالاردى قابىل­داۋ قاجەت. بۇل جاعدايدا ولار بۇ­رىنعى جۇمىس ورنىمەن سالىس­تىر­عاندا ەڭبەكاقىدان ۇتىلماۋى ءتيىس. بۇدان باسقا «وزەنمۇنايگاز» كوم­پانياسىن «قازمۇنايگاز» كوم­پا­نيا­سىنان ءبولىپ, ونى تولىققاندى زاڭدى تۇلعا جاساۋ قاجەت. تۇ­راق­تىلىق قا­زاق­ستان­دىق تا­بىس­تىڭ باس­تى شار­تى ەكەنىن ەشقاشان ەستەن شىعارۋعا بول­­مايدى. بۇل رەس­پۋبليكانىڭ يگىلىگى, ونى بار­لىق قا­زاق­ستان­دىقتار ساق­تاي ءبىلۋى ءتيىس, دەپ ءما­سەلەنى ءتو­تە­سى­نەن قويدى نۇرسۇلتان ءابىش ۇلى. مىنە, ەلباسىنىڭ وسى سوزىنەن ماڭعىستاۋداعى ەڭبەك داۋىنىڭ شىعۋ سەبەپتەرىن ۇعىنعاندايمىز. مۇنداي ەڭبەك داۋلارى تەك ماڭ­عىستاۋ وبلىسىندا ەمەس, وزگە  ءوڭىر­لەردە دە بولىپ تۇرادى. ماسە­لەن, ءبىزدىڭ اتىراۋ وبلىسىندا ءبىر-ەكى جىل بۇرىن وسىنداي داۋلار ورىن الدى. اسىرەسە, شەتەلدىك كومپانيالاردىڭ قاتىسۋىمەن ىسكە اسىپ جاتقان حالىقارالىق جوبا­لارعا جۇمىسقا تارتىلعان وتان­داستارىمىزدىڭ جانايقايىنا ءوڭىر باسشىلارى دەر كەزىندە كوڭىل اۋدار­دى. سونىڭ ناتيجەسىندە شەتەلدىكتەر تاراپىنان قىساستىق كورگەن قازاقستان ازاماتتارىنىڭ كونستيتۋتسيالىق قۇقى قورعالىپ, شەتەل ينۆەستورلارىنىڭ جەلىگى با­­سىلدى. ماڭعىستاۋ وڭىرىندەگى مۇ­نايشىلاردىڭ پروبلەماسىن شيە­­لەنىسكە اپارماي شەشۋگە بولاتىن ەدى. تەگىندە باسشىنىڭ ءبارى بىردەي « ۇلىق بولساڭ, كىشىك بول» دەگەندى جادىندا ۇستاي بەرمەيدى. ال ءبىزدىڭ تۇڭعىش پرەزيدەنتىمىز وسى قاعيدانى ۇدايى ۇستاناتىنىن, قازاق ەلى ءۇشىن, ءار قازاق ءۇشىن جانى اۋىراتىنىن جانە ءبىر رەت بايقاتتى. ەلدىك, ۇلتتىق مۇددەنى بارىنەن جوعارى قوياتىنىن تا­نىتتى. مۇنى ادامگەرشىلىك تۇرعى­سى­نان ايتقاندا, ەلباسىنىڭ ازا­مات­تىعىن ماڭعىستاۋعا, اسىرەسە, جا­ڭاوزەنگە ساپارىنان اڭعارا الا­مىز. بۇل ساپار سول وڭىردەگى ابدى­راعان تۇرعىنداردىڭ كوڭىلىنە سەنىم ۇيالاتتى. ەلدىڭ بىرلىگىن, تۇ­راقتىلىعىن كوزدەگەن نۇرسۇلتان نازارباەۆ ماڭعىستاۋ مۇنايشى­لارىنىڭ ەڭبەك داۋىن وسىلاي وڭ شەشىپ بەردى. ەندىگى ماسەلە –ەل­باسىنىڭ تاپسىرمالارىنىڭ ءمۇل­تىك­سىز ورىندالۋىندا. ەسەن تاسقىنباەۆ, مەملەكەت جانە قوعام قايراتكەرى, اتىراۋ وبلىسىنىڭ قۇرمەتتى ازاماتى. اتىراۋ وبلىسى.