جىل سايىن كونستيتۋتسيا كۇنى جالاۋى كوتەرىلەتىن جارىس 20 جىل بويىنا جالعاسىپ كەلەدى. ءاۋ باستا اۋداندىق دەڭگەيدە باستالعان شارا قازىر حالىقارالىق سيپاتقا يە بولعان. بيىلعى الامانعا ەل اۋماعىنان جانە كورشى مەملەكەتتەردەن 170 سايگ ۇلىك كەلىپتى. ال ۇزاق قاشىقتىققا شاباتىن جۇيرىكتەردىڭ ءوزى ەلۋ شاقتى بولدى. جارىسقا كىل اۆتوكولىكتەر تىگىلىپ, جەڭىمپازدارعا كىلت تاپسىرىلدى.
«كوكباستاۋ» يپپودرومىنىڭ توپىراعىن الدىمەن جۇيرىك تايدىڭ تۇياعى تىلگىلەدى. جانكۇيەرىن قيقۋعا بولەگەن جارىستا جامبىل اۋدانىنىڭ ء«حانتاڭىرى» اتتى جۇيرىك تايى قارا ءۇزىپ كەلىپ, بايگەلى بولدى. ال قۇنان بايگەدە توپتان وق بويى وزا شاپقان قاراساي اۋدانىنىڭ «نۇرقاسقاسى» ءبىرىنشى ورىندى يەلەندى. توپ بايگەدە كورشىلەس جامبىل وبلىسىنان كەلىپ باق سىناعان «جۇرەكتورى» اتتى سايگ ۇلىك شاشاسىنا شاڭ جۇقتىرمادى. جورعا جارىسىندا استانا قالاسىنان ارنايى كەلگەن «ەدەلۆەيس» اتتى جانۋاردىڭ ءتورت اياعى تايپالىپ, توپتان قارا ءۇزىپ كەلدى.
جارىستىڭ قىزىعى 25 شاقىرىمدىق الامان بايگە بولدى. جۇرتتىڭ تاقىمىن قىستىرعان جارىسقا 50 ات قاتىسىپ, اراسىنان جامبىل وبلىسى ۇكىلەپ قوسقان «قاركوز» اتتى جۇيرىك قارا ءۇزىپ شىقتى. جۇيرىك جانۋاردىڭ يەسى ارتىعالي ميرازوۆقا بيىلعى بايگەنىڭ باس جۇلدەسى – ۇلتتىق ات سپورتى تۇرلەرىنەن قازاقستان رەسپۋبليكاسى پرەزيدەنتىنىڭ كۋبوگى مەن «ۋاز پاتريوت» اۆتوكولىگى بۇيىردى.
قالماحانبەت مۇقامەتقالي,
«ەگەمەن قازاقستان»
الماتى وبلىسى,
جامبىل اۋدانى
