«قۇرىلىستىڭ قارقىندى دامۋى تۇرعىسىندا تۇرعىن ءۇي قاتىناستارى سالاسى ءاربىر تۇرعىننىڭ مۇددەسىن كوتەرەدى. تۇرعىن ءۇي-كوممۋنالدىق شارۋاشىلىق سالاسىندا شەشىلمەگەن ماسەلەلەر بارشىلىق. جۇرگىزىلگەن ساۋالنامالار ناتيجەسىندە بۇل ماسەلە كوپ ازاماتتاردى الاڭداتىپ وتىرعانى كورىنىپ وتىر», - دەدى مەملەكەت باسشىسى.
وسى ورايدا پرەزيدەنت سالاداعى قىزمەت كورسەتۋشىلەر جۇمىسى جانە باسقا دا باعىتتارداعى قىزمەتتەر ءتيىستى دەڭگەيدە جەتىلدىرىلمەگەنىن اتاپ ءوتتى. ەلباسى قىزمەت كورسەتۋشى كومپانيالارعا باسپانا يەلەرىنىڭ اراسىنداعى ءوزارا ءىس-قيمىلدىڭ اشىقتىعىن قامتاماسىز ەتۋ قاجەتتىگىن تاپسىردى. سونىمەن قاتار, وسى باعىتتاعى قارجىنىڭ جۇمسالۋىن قاداعالاۋدى, تابيعي مونوپوليا سالاسىنداعى جاۋاپكەرشىلىك ماسەلەسىن ايرىقشا نازاردا ۇستاۋدى جۇكتەدى.
«جالپى ۇيگە ورتاق شارۋاشىلىقتى باسقارۋدىڭ تۇسنىكتى ءارى ءتيىمدى جۇيەسىن قۇرۋ كەرەك. مەنىڭ تاپسىرمام بويىنشا ۇكىمەت ءتيىستى زاڭ جوباسىن ازىرلەدى جانە ول پارلامەنت قاراۋىنا بيىل ۇسىنىلادى», - دەدى ن. نازارباەۆ.
