«2018 جىلعى 30 تامىز كۇنى ساعات 18:23-تە قر دەنساۋلىق ساقتاۋ مينيسترلىگى جانە قر سىرتقى ىستەر مينيسترلىگىنىڭ جەدەل شارالارىنىڭ ناتيجەسىندە, سانيتاريالىق اۆياتسيا ناۋقاستى الماتىنىڭ №4 قالالىق اۋرۋحاناسىنا جەتكىزدى. ۇشۋ كەزىندە ناۋقاستىڭ جاعدايىن مەديتسينا ماماندارى: قر سانيتاريالىق اۆياتسياسىنىڭ كوشپەلى بريگاداسى جانە الماتىنىڭ №4 قالالىق اۋرۋحاناسىنىڭ دارىگەر-تراۆماتولوگى باقىلاپ وتىردى. قازىر ونىڭ جاعدايى تۇراقتى», - دەلىنگەن حابارلامادا.
قازىر ناۋقاستى الماتى اۋرۋحاناسىنىڭ دارىگەرلەرى قاراپ جاتىر.
ەسكە سالا كەتەيىك, 2018 جىلعى 23 تامىز كۇنى 1943 جىلى تۋعان قازاقستان ازاماتى رەسەيدىڭ التاي ولكەسىندە چيكە-تامان اسۋىندا جول اپاتىندا زارداپ شەگىپ, اۋىر حالدە تاۋلى التاي قالاسى رەسپۋبليكالىق اۋرۋحاناسىنىڭ جانساقتاۋ بولىمىنە جەتكىزىلگەن بولاتىن. سول جەردە ناۋقاس كوماعا تۇسكەن. كەيىننەن ەسىن جيناپ, سويلەي باستاعان.
«رەسەيلىك مامانداردىڭ قورىتىندىسىنا سايكەس, زارداپ شەگۋشى اۋىر جاراقاتتار العان, سوعان بايلانىستى مەديتسينا قىزمەتكەرلەرىنىڭ قاداعالاۋىمەن سانيتاريالىق اۆياتسيا ارقىلى جەتكىزىلۋى ءتيىس بولعان», - دەيدى قر دەنساۋلىق ساقتاۋ مينيسترلىگىنىڭ وكىلدەرى.
