قىزىلجار اۋىلىندا قازاق اقىنى م.ماقاتاەۆ اتىنداعى 300 ورىندىق مەكتەپ اشىلدى. ەكى قاباتتى 3 مىڭعا جۋىق شارشى مەتر اۋماعى بار وقۋ عيماراتى وقۋشىلاردىڭ وقۋى مەن جاتتىعۋلار, سونداي-اق مادەني جانە سپورتتىق تاربيە الۋىن قامتاماسىز ەتۋگە ارنالعان. مەكتەپ 21 كلاسقا ارنالعان جانە ەكى اۋىسىمدا جۇمىس جاسايدى.
اقتوبە وبلىسىنىڭ اكىمى بەردىبەك ساپارباەۆ وقۋشىلار مەن مۇعالىمدەردى ماڭىزدى شارامەن قۇتتىقتادى.
«مەملەكەتتىڭ دامۋى ءبىرىنشى كەزەكتە ازاماتتاردىڭ ءبىلىم, تاربيە, مادەنيەت دەڭگەيىنە بايلانىستى. سوندىقتان, كەز-كەلگەن مەملەكەت الەۋمەتتىك سالاعا نازار اۋدارادى. سىزدەر جاقسى بىلەسىزدەر, قازاقستاندا بۇل سالادا كوپتەگەن قازىرگى زامانعى مەكتەپ, بالاباقشا, اۋرۋحانالار, تەاترلار, سپورتتىق عيماراتتار تۇرعىزىلۋدا. مۇنىڭ بارلىعى ءبىزدىڭ مەملەكەتىمىز الەمدىك قاۋىمداستىقتا لايىقتى ورىن الۋى ءۇشىن باعىتتالۋدا. بۇگىنگى قازاقستان – تانىمال, جەتىستىكتى مەڭگەرگەن مەملەكەت, ءبىرىنشى كەزەكتە, پرەزيدەنت نۇرسۇلتان نازارباەۆتىڭ جۇرگىزىپ وتىرعان سارابدال ساياساتىنىڭ ناتيجەسىندە بولىپ وتىر», - دەدى ايماق باسشىسى.
مەكتەپتە كەڭ سپورتتىق جانە اكت زالىنان بولەك, حيميا جانە بيولوگيا, اعىلشىن ءتىلى, كىتاپحانا, مەدياتەكا كابينەتتەرى بار. ءبىرىنشى قاباتتا 100 ورىندىق اسحانا, كىرە بەرىستە كىرەتىن تۋرنيكەت ورنالاستىرىلعان.
اباتتاندىرىلعان مەكتەپ اۋماعىندا دەمالۋ جانە سەرۋەندەۋ الاڭى, وقۋشىلارعا ارنالعان جاتتىعۋ زالى مەن ويىن جانە سپورت الاڭدارى, جۇگىرۋ جولدارى ورنالاسقان. ەرەكشە قاجەتتىلىگى بار بالالارعا ليفت پەن ۇستايتىنى بار پاندۋستار قويىلعان.
وسىنداي مەكتەپ جاڭاقونىس اۋىلىندا دا اشىلدى. وعان قازاق اقىنى, پۋبليتسيست س.دونەنتاەۆتىڭ اتى بەرىلدى. وقۋ عيماراتىنىڭ ارنايى كلاستارىندا تەحنولوگيا بويىنشا ساباقتار ءوتىپ, وندا تىگىن اس ازىرلەۋ, اعاش پەن مەتالداردى وڭدەۋگە ارنالعان ستانوكتار قاراستىرىلعان.
مەكتەپتەردىڭ اۋماعىندا زاماناۋي شىنايى جابىندار جانە ۆولەيبول جانە باسكەتبول الاڭدارى, جۇگىرۋ جولدارى, ويىن الاڭدارى بار.
بيىلعى جىلى وبلىس كولەمىندە 26 مەكتەپ قۇرىلىسى جۇرگىزىلۋدە. جىل اياعىنا دەيىن 15 مەكتەپ بەرىلىپ, ونىڭ ىشىندە 9 مەكتەپ جاڭا وقۋ جىلىنان باستاپ جۇمىس ىستەيتىن بولادى. سالىنىپ جاتقان مەكتەپتەر 14 ءۇش اۋىسىمدى مەكتەپ, 2 اپاتتىق, 2 مەكتەپ ورىن تاپشىلىعىن جانە 8 ەسكىرگەن مەكتەپتەردىڭ ماسەلەلەرىن شەشەدى.
