نۇروتاندىقتار – كەندى التايدا

وسكەمەن قالاسىنداعى مەتال­لۋرگتەردىڭ مادەنيەت ۇيىندە «نۇر وتان» حدپ ءتىزىمى بويىنشا پارلامەنت ءماجىلىسىنىڭ دەپۋتات­تىعى­نا كانديداتتارمەن كەزدەسۋ ءوتتى. ءۇمىت­كەرلەردەن ج.كارىبجانوۆ,  ج.جا­­­راسوۆ, س.فەرحو, ن.كۋزمين بولدى. – وسكەمەندىكتەرمەن كەزدەسكەنىمە قۋانىشتىمىن. وبلىس اكىمى قىزمەتىندە بولعان كەزىمدە سىزدەرمەن قويان-قولتىق جۇمىس ىستەپ, ارقاشان قولداۋلارىڭىزدى سەزىنىپ وتىردىم. قازاقستان ءوسىپ-ءور­كەندەپ كەلەدى. تەك بيىلدىڭ ءوزىن­دە ەلىمىزدە 350 جاڭا كاسىپورىن ىسكە قوسىلىپ, ونداعان مىڭ جۇ­مىس ورنى اشىلدى. كەندى التاي­دىڭ وزىندە يندۋستريالاندىرۋ كارتاسى بويىنشا 15,9 ميلليارد تەڭگەنىڭ 9 جوباسى وندىرىسكە ەنگىزىلگەن. توعىز ايدا عانا 722,4 ميلليارد تەڭگەنىڭ ونەركاسىپ ونىمدەرى شىعارىلعان. وبلىستا «نۇر وتان» پارتياسى مۇشەلەرىنىڭ سانى جىل سايىن ارتىپ كەلەدى. ەلباسى باس­تا­عان پارتيا كەلەر جىلعى سايلاۋدا دا جەڭىسكە جەتەدى دەگەن سەنىمدەمىز, – دەدى جانىبەك كارىبجانوۆ. – مەن وسى ولكەدە تۋىپ-ءوستىم, ءبىلىم الدىم. قازاقستان العا با­تىل جىلجىپ كەلەدى. شىرايلى شى­عىستى ەلباسى ەلىمىزدىڭ ەكو­نو­ميكاسىنىڭ التىن تاجىنە تەگىن تەڭەمەسە كەرەك. دەمەك, الداعى سايلاۋدا جەرلەستەرىمىز ءبىزدى قىزۋ قولدايدى دەگەن ويدامىز, – دەدى پارلامەنت ءماجىلىسى دەپۋتات­تى­عىنا كانديدات نيكولاي كۋزمين. جانات جاراسوۆ, سۆەتلانا فەر­حو كەزدەسۋدە پارتيانىڭ تۇ­عىر­ناماسىمەن جانە سايلاۋالدى باعدارلاماسىمەن تانىستىردى. س.فەرحو سونداي-اق وسكەمەندە بىرقاتار كەزدەسۋلەر وتكىزدى. ول پارتيانىڭ سايلاۋالدى شتابىن­دا­عى جانە بىرقاتار جوعارى وقۋ ورىندارىنداعى كەزدەسۋلەردە جي­نالعانداردى «قازاقستان-2017 جىل ماقساتتارى. جاڭا ءىس-قيمىل جوسپارى» اتتى پارتيا تۇعىرنا­ما­سىمەن تانىستىردى. وڭداسىن ەلۋباي. شىعىس قازاقستان وبلىسى.