اتالعان شارا بارىسىندا قمدب-نىڭ مۇسىلماندارى ءدىني باسقارماسىنىڭ وبلىستاعى وكىلى, ورتالىق «ھيباتۋللا تارازي» مەشىتىنىڭ باس يمامى دانيار جۇماباەۆ ادامزات بالاسى ءۇشىن قايىرىمدىلىقتىڭ ماڭىزى زور ەكەنىن, اسىل ءدىنىمىز يسلام دا قايىرىمدىلىقتى ۋاعىزدايتىنىن, سونىمەن قاتار مۇسىلمان بالاسى ءۇشىن ءبىلىم الۋدىڭ اسا ماڭىزدى ەكەنىن ايتىپ ءوتتى. ءوز سوزىندە وبلىستىق ءدىن ىستەرى باسقارماسىنىڭ ءبولىم باسشىسى ەركەبۇلان ەسماحانوۆ, «كەڭەسحان قاجى» مەشىتىنىڭ باس يمامى قانات جۇماعۇلوۆ مۇنداي يگىلىكتى ءىستىڭ ساۋابى مول ەكەنىنە توقتالىپ, دەمەۋشىلىك جاساعان ازاماتتارعا العىس ءبىلدىردى.
«كەڭەسحان قاجى» مەشىتىندە وتكەن اكتسيا اياسىندا وبلىس اۋداندارىنان 470 وقۋشىعا جانە تاراز قالاسىنان 110 بالاعا جاڭا سومكەلەر مەن مەكتەپكە قاجەتتى بارلىق قۇرال-جابدىقتار تەگىن تاراتىلدى. اتالعان اكتسياعا الەۋمەتتىك جاعدايى تومەن وتباسىلار قاتىستى. اتا-انالار اتىنان ءسوز العان قالدىكۇل تورەقۇلوۆا كەلىنى قايتىس بولىپ, نەمەرەسىنىڭ جەتىم قالعانىن ايتا كەلىپ, بالالارعا جاساعان قامقورلىقتارى ءۇشىن ۇيىمداستىرۋشىلارعا العىس ءبىلدىردى. سونداي-اق تاعدىردىڭ ءتۇرلى تەپەرىشىنە تاپ بولعان وتباسى مۇشەلەرى دە ءسوز الىپ, وسىناۋ ءىس-شارانىڭ يگىلىكتى ەكەنىن جەتكىزدى. بالالاردىڭ بارلىعى دا جاڭا وقۋ جىلى قارساڭىندا سىيلىقتار الىپ, ءوزارا قۋانىپ جاتتى. بالدىرعانداردىڭ جانارىنداعى ءمولدىر قۋانىش, رياسىز شاتتىق قايىرىمدى ازاماتتارعا اق نيەتتى العىس جاۋدىرىپ تۇرعانداي ەدى.
حاميت ەسامان,
«ەگەمەن قازاقستان»
جامبىل وبلىسى
