بۇل اسپاپ كولىك جۇرگىزۋشىگە جىلدامدىقتى اسىرعانى ءۇشىن ايىپپۇل بەلگىلەمەي-اق, تەك قانا ەسكەرتەدى. وسىنداي جول بەلگىلەرى بۋراباي, تسەلينوگراد, زەرەندى اۋداندارىندا جانە كوكشەتاۋ قالاسىندا ورناتىلدى. اتالعان اۆتوجولداردا, اسىرەسە جاز ايلارىندا جولاۋشى كوپ.
– بەلگىلەر جول قوزعالىسى قاۋىپسىزدىگىن قامتاماسىز ەتۋ ءۇشىن قاجەت. جىلدامدىق شامادان تىس اسىپ كەتسە, قىزىل ءتۇس, ەگەر قالىپتى بولسا جاسىل ءتۇس جانادى, – دەيدى وبلىستىق ىشكى ىستەر دەپارتامەنتىنىڭ اعا ينسپەكتورى, پوليتسيا مايورى ايبەك حاسەنوۆ.
جىل باسىنان بەرى وبلىس بويىنشا جىلدامدىقتى مولشەردەن كوپ اسىرعان 12 500 جۇرگىزۋشى اكىمشىلىك جاۋاپقا تارتىلىپتى. ەندىگى ارادا جاڭا اسپاپ جول اپاتىن ازايتۋعا ىقپال ەتپەك.
بايقال ءبايادىل,
«ەگەمەن قازاقستان»
اقمولا وبلىسى
