ۇكىمەت وتىرىسىندا باقىتجان ساعىنتاەۆتىڭ سۇراعىنا جاۋاپ بەرگەن اسەت يسەكەشەۆ استاناداعى كارىز بەن قالادان سۋ شىعارۋ جۇيەسى شاھاردا ءۇش جىلدىق باعدارلاماعا بايلانىستى دايىندالعانىن ايتتى.
«اكىمدىك وتە اۋقىمدى جۇمىستاردى اتقاردى. وتكەن جىلى تۇران مەن ۇلى دالا كوشەلەرىنىڭ, 31-كوشەنىڭ, كوكتال كەنتى مەن مىڭ جىلدىق اللەياسىنىڭ تازارتۋ قۇرىلىمىن اياقتادىق. ءبىر جىلدىڭ ىشىندە قارقىندى قاداممەن تۇران-سىعاناق تازارتۋ قۇرىلىمدارىنىڭ كۇردەلى جوندەۋىن اياقتادىق. البەتتە, كۇردەلى ۋچاستوكتار بار. اسىرەسە, اقبۇلاق, مومىش ۇلى جاققا ابىلاي حان كوشەلەرىنەن, جاستار شاعىناۋدانى مەن وڭتۇستىك-شىعىستان جانە قوشقارباەۆ, تاۋەلسىزدىك, مىڭ جىلدىق پەن وزگە دە جاقتان سۋ جينالادى. سۋ اعىزىپ شىعارۋدى ەكى ەسەگە كۇشەيتۋ ءۇشىن كۇردەلى تەحنيكالىق شەشىم تابىلدى. 2019 جىلى ول جۇزەگە اسادى. وسىلايشا, قارجىلاندىرۋدى ەسكەرە وتىرىپ, جۇمىس قارقىندى تۇردە جۇرگىزىلۋدە. ءۇش جىلدىڭ ىشىندە نەگىزگى ماسەلەلەر شەشىمىن تاباتىن بولادى», - دەدى ول.
سوڭعى كۇندەرى تىركەلگەن جاعدايلار بويىنشا ءسوز قوزعاعان قالا باسشىسى: «قازگيدرومەتتىڭ مالىمەتىنە سايكەس, ءبىر جارىم تاۋلىكتىڭ ىشىندە ايلىق نورمادان ءبىر جارىم ەسە كوپ جاۋىن جاۋعان. 21 تامىزدا كۇنىمەن جاڭبىر جاۋدى. 20 تامىزدا 17 ساعات بويى تىنىمسىز تاعى نوسەر بولدى. ءۇش كۇردەلى ۋچاستوك بويىنشا سۋ كولكۋ جاعدايى تىركەلدى. ول جەرلەردەن نورماتيۆ بويىنشا سۋ سورىلىپ, سىرتقا شىعارىلدى», دەدى.
«جاۋىنعا ارنالعان كارىز جۇيەلەرى جاقسى جاسالعان سينگاپۋر, ماسكەۋ, كيەۆتە, گەرمانيانىڭ, اقش پەن فرانتسيانىڭ قالالارىندا دا تىنىمىز جاۋىن سالدارىنان سۋدىڭ كولكىپ كەتۋ جاعدايى بولعانىن اتاپ وتكىم كەلەدى. اكىمدىك ۇكىمەتپەن بىرگە اتالعان ماسەلەنى ءجىتى باقىلاۋىندا ۇستاپ وتىر. باقىتجان ءابدىر ۇلى, قازىر تابيعي مونوپوليالار تۋرالى زاڭدا جاڭبىر سۋىن شىعارۋ قىزمەتى رەتتەلمەگەن. مىنە, سوندىقتان ءبىز استانادا كاسىپورىن قۇرۋ تۋرالى شەشىم قابىلداعىمىز كەلەدى. «استانا تازالىقتىڭ» بازاسىندا كارىز جۇيەلەرىن بالانستا ۇستايتىن كاسىپورىن قۇراتىن ۋاقىت كەلدى. وسىعان بايلانىستى جاۋاپتى مينيسترلىككە تاپسىرما بەرۋىڭىزدى, «استانا تازالىقتى» جەكەشەلەندىرۋ باعدارلاماسىنان شىعارىپ تاستاۋىڭىزدى سۇرايمىن», - دەدى اسەت يسەكەشەۆ.
بۇگىن ۇكىمەت وتىرىسىندا باقىتجان ساعىنتاەۆ سوڭعى كۇندەرى نوسەر سالدارىنا بايلانىستى ەلوردانىڭ كوممۋنالدىق قىزمەتتەرىنىڭ جۇمىسىن كۇشەيتۋدى تاپسىرعان بولاتىن.
