قازاقستاندىقتار ۇندىستانداعى سۋ تاسقىنىنان زارداپ شەككەندەرگە كومەكتەستى. بالالار مەن ايەلدەر ءۇشىن ازىق-ت ۇلىك, كيىم-كەشەك پەن تاعى باسقا قاجەتتى زاتتاردى كەرالا شتاتىنىڭ تۇرعىندارىنا جەتكىزدى.
بيلىك وكىلدەرى 3 500 لاگەر قۇردى, وندا تابيعي اپاتتان زارداپ شەككەن 1,2 ميلليون ادام قونىستاندى. شەنەۋنىكتەردىڭ مالىمەتىنشە, مىڭنان اسا ادام ءىز-ءتۇسسىز جوعالىپ كەتكەن.
كەرالا شتاتىندا جاۋعان جاڭبىر مولشەرى ماۋسىم مەن قىركۇيەك ايلارىنىڭ ارالىعىندا جاۋاتىن جاڭبىر مولشەرىنەن 40 پايىزدان اسقان. سوڭعى ون كۇندە جاۋعان نوسەر جاڭبىر جاۋعاننان كەيىن, شەنەۋنىكتەر وننان اسا قاۋىپتى بوگەتتى اشىپ جىبەرگەن. شتاتتىڭ باس ءمينيسترى پيناراي ۆيدجايان بۇل جاعدايدى ءۇندىستان تاريحىندا بولعان ەڭ ءىرى اپات دەپ باعالادى. بوسقىنداردىڭ قونىستانعان مەكەنى شۆەيتساريانىڭ جەر كولەمىمەن بىردەي بولعان.
قازىر ادامداردىڭ تۇرىپ قالعان سۋدان تاراعان جۇقپالى اۋرۋلاردى جۇقتىرعان-جۇقتىرماعانىن تەكسەرىپ جاتىر ەكەن. كەي جەرلەردە سۋدىڭ دەڭگەيى 60 سانتيمەتردەن اسادى. اپاتتى جويۋ ءۇشىن 1,4 ميلليارد دوللار قاراجات تارتىلادى.
